Azərbaycanlılar son beş ildə Türkiyədə neçə ev alıb? - Statistika
15:57 / 15.04.2021
2924
"Azərbaycanlılar Türkiyədə 2016-da 610, 2017-ci
ildə 942, 2018-ci ildə 1250, 2019-cu ildə 1191, 2020-ci ildə isə 1279 mənzil
alıb”.
Sfera.az-ın məlumatına görə, bunu iqtisadçı
Natiq Cəfərli deyib. Onun sözlərinə görə, Azərbaycan vətəndaşları 2021-ci ilin yanvar ayında 68, fevral ayında 77,
mart ayında isə 106 - toplam ilk 3 ayda 251 mənzilə sahiblənib:
"Bu ilin ilk 3 ayında Türkiyədən ən çox mənzili
iranlılar alıb - 1599, ikinci yerdə İraq vətəndaşları - 1461, üçüncü yerdə isə
rusiyalılardır - 938 mənzil.
Pandemiya ilində, 2020-də azərbaycanlılar son
5 ildə ən çox mənzil alıblar – 1279. Səbəbi də aydındır - ölkədə inzibati
qaydada sabit manat, Türkiyədə isə dəyişkən, böyük dəyər itirən lirə. Ona görə
də bizimkilər orada daşınmaz əmlak almağı seçdilər, bu daha sərfəli oldu”.
"Bu isə o deməkdir ki, indi sabit məzənnə rejimi ilə, guya manatı qorumaq siyasəti, orta-uzun vədədə daha böyük fəsadlar törədəcək. Manat sonra daha çox dəyər itirməyə məhkum olacaq”.
Günay