"Gəncədə sərdabə deyilən yer var, 3-ün 4-ə - bir otaq. Gir içində ayaqüstə gəz. Qardaşımla bərabər həmin yeri götürmüşük. Qapısını aç, pilləkənlə düş, Sərxanın cəsədini qoy. Sevmədiyim insanları məclisimdə görmək istəmirəm. Dirilib gələrəm. Mən ölmüşəm, sevinib, ehsanımı yeyirsiz?"

Sfera.az xəbər verir ki, bu sözləri aparıcı-aktyor Sərxan Kərəmoğlu "Şou ATV" verilişində qonaq olarkən deyib.  O, 19 il əvvəl özünə Gəncədə məzar qazdırdığını bildirib. Sərxan bu addımı atmasının səbəbini də açıqlayıb:

"1999-cu il 28-dən 29-na keçən gecə idi. Mən Moskvada ailəmlə yaşayırdım. Səhər saat 4-5 arası bir zəng gəldi. Qaldırdım, gördüm səs gəlmədi. Xışıltı səsi idi. Nəsə deməyə çalışırdı, amma deyə bilmirdi. qardaşım imiş, son anında mənə zəng edibmiş. Səhər zəng etdilər ki, qardaşın Kəramət ölüb. Çoxlu spirtli içki içib, adi bir dərmanın güdazına getdi. Həmin məzar qardaşımın cənazəsi Azərbaycana gətirilən iki gecədə hazırlanıb". (yeni sabah)