Azərbaycanlı biznesmen pandemiyada səyahətin detallarını açıqladı: “Green Pass” olmadan bir çox yerə gedə bilməzsiniz"

Azərbaycanlı biznesmen pandemiyada səyahətin detallarını açıqladı: “Green Pass” olmadan  bir çox yerə gedə bilməzsiniz
"Novco Group of Companies"in təsisçisi və direktoru, biznesmen, səyyah Fərid Novruzi səfərləri barədə maraqlı paylaşım edib.
 
Sfera.az bildirir ki, iş adamı bu dəfə Venesiya səfərlərindən söz açıb. Belə ki, o, Venesiyaya səfərlərinin dəqiq sayını xatırlamadığını və bunu pafossuz dediyini qeyd edib:

"Sadəcə bizim əməkdaşlıq etdiyimiz "Benetton” və "OVS” şirkətlərinin baş ofisləri bu su üzərindəki şəhərdən yarım saatlıq məsafədə yerləşir. Lakin məsələ bu deyil. Siz yəqin inanmazsınız ki, dünyanın ən romantik şəhərinə artıq neçə illərdir ki, ya təkbaşına səfər edirəm, ya da iş yoldaşlarımla. Bu dəfə də burada yalnızam, görünür, hər şeyin öz zamanı var.

Cəmi bir il əvvəl İtaliyadan olan reportajları xatırlayırsınız? Yəqin onlar təkcə mənə hərbi əməliyyatlar teatrının xülasəsini xatırlatmırdı və bütün bu qorxulu xəbərlər fonunda Venesiyada turistlərin yoxluğunda su kanallarının təmizlənməsi prosesinin başlandığını göstərən kadrlar bir növ təsəlli idi. Az qala hər gün buraya delfinlər üzüb gəlirdi. Lakin yenə də Venesiyanın boş küçələri insanı qüssələndirirdi və getdikcə adama elə gəlirdi ki, artıq dünya əvvəlki kimi olmayacaq. Hər şey zamanla qaydasına düşməyə başladı və mən də səyahəti sevən bir insan kimi davam etməkdə olan pandemiyaya baxmayaraq, ilin əvvəlindən bir çox ölkələrdə olmağı bacardım. Ancaq yenə də hər şeydən çox İtaliyaya gəlib çıxmaq istəyirdim”.
 
Novruzi avqustun əvvəlində "Benetton” şirkətinin ofisinə dəvət aldığını bildirib:

"Heç düşünmədən də razılaşdım. Bu həyəcanverici və maraqlı səfər idi. Təqdimatdan əlavə Luçiano Benetton ilə görüşüm nəzərdə tutulurdu. "United Colors of Benetton” şirkətinin təsisçisinin artıq 86 yaşı var və mən onunla görüşmək, həmçinin yeni fikirlərimi bölüşmək istəyirdim. Lakin Venesiyaya qayıdaq. Bir çox məşhur yerləri yaxşı tanıdığımdan bu dəfə indiyə qədər olmadığım hissələri gəzmək qərarına gəldim. Xoşbəxtlikdən reysimə hələ çox var idi. Yəqin siz də ekoloji vəziyyəti öyrənməyə səbrsizlənirsiniz. Əvvəldən deyim ki, bir qədər bulanıqlıq qalsa da, kanallar təmizlənib, ən əsası şəhərin ən içərisindən axan kanallardan belə gələn o qoxular artıq yoxdur. Təəssüf ki, delfinləri görmədim. Bir sözlə, şəhər turist izdihamından dincəlmiş, gücünü toplamış və onları yenidən qarşılamağa hazırdır. Bu gün turistlər tədricən buraya qayıdır, küçə və meydanları doldurur”.

Biznesmen İtaliyaya səyahət etmək istəyənlər üçün vacib məlumatlar da bölüşüb:

"Hazırda İtaliyaya ancaq dəvət əsasında gəlmək mümkündür və bu dəvət məktubları təyyarəyə minik zamanı yoxlanılır, eləcə də PCR test tələb olunur. Şəxsən məndən vaksinasiya barədə soruşan olmadı və rusiyalı həmkarlarımdan öyrəndiyim qədərilə ona ehtiyac da yoxdur. Lakin İtaliyaya çatan kimi onlar yenidən ekspress test verdilər və "Green Pass” aldılar. "Green Pass” olmadan siz bir çox yerə gedə bilməzsiniz. Daha bir amma da var ki, bunun turistlər üçün etibarlılıq müddəti 48 saatdır, vaxt bitən kimi yenidən test verməli və yenidən "Green Pass” almalısınız. Geri qayıdanda da sizdən həmin "GreenPass”  tələb olunduğuna görə, əgər peyvənd olunmamısınızsa, geri uça bilməyəcəksiniz. İtaliyada test 35 Avro təşkil edir və nəticəsini 15 dəqiqə ərzində əldə edirsiniz”.

Türkan
Sfera.az
Sehliyali
Turan Bank

OXŞAR XƏBƏRLƏR

Yelo Bank-ın yeni Xalqlar Dostluğu filialı - FOTOLAR

Yelo Bank uğurla öz filial şəbəkəsini artırmağa davam edir. Yeni "Xalqlar Dostluğu” filialı da parlaq bankçılığı özündə əks etdirən filialların sırasına qatıl...

Azərbaycanda yeni qızıl sikkələr satışa çıxarıldı - FOTOLAR

"AzerGold” QSC tərəfindən yeni növ qızıl sikkələr satışa çıxarılıb. QSC-dən Sfera.az-a verilən məlumata görə, belə ki, ötən il Heydər Əliyev Mərkəzi ilə b...

Azərbaycan, Türkiyə və Gürcüstan arasında gömrüklə bağlı komitə yaradıldı - FOTOLAR

Oktyabrın 8-də İzmir şəhərində Azərbaycan, Türkiyə və Gürcüstan hökumətləri arasında gömrük məsələləri üzrə üçtərəfli görüş keçirilib. Sfera.az xəbər veri...

Unibank özünüməşğulluq layihəsində daha 3 ailəyə dəstək oldu - FOTOLAR

Unibank özünüməşğulluq layihəsi çərçivəsində ölkə vətəndaşlarının şəxsi bizneslərinin yaradılması prosesində fəal iştirak edir. Bu günlərdə daha 3 ailəyə Unib...

Azər Türk Bankın daha bir filialı fəaliyyətə başladı - FOTOLAR

Dövlət bankı Azər Türk Bank öz fəaliyyətinin zamanın tələbinə, müasir dünyanın meyarlarına tam uyğunlaşdırılması istiqamətində işlərini davam etdirir. G...

Birbank istifadəçilərinin dəstəyi ilə Gəncədə ağacəkmə aksiyası keçirildi - FOTOLAR

Xəbər verdiyimiz kimi, 1 sentyabr 2021-ci il tarixindən başlayaraq Birbank istifadəçiləri bonus şəklində topladıqları hər 50 000 "ürəyi” 1 ağaca dəyişə bilird...