Azərbaycanlı alim dünyanı dəyişəcək: insanlar mutasiyaya uğrayacaq - Yaponlardan ilginc İDDİA
Sfera.az xəbər verir ki, adı çəkilən animedə insanların mutasiyaya uğrayaraq psixokinez güclər qazandığı distopik gələcəkdə baş verən hadisələrdən bəhs edilir.
Maraqlısı odur ki, insanları mutasiyaya uğradan azərbaycanlı bir alimin kəşfidir. Hadisələr onun insanlar üzərində təcrübə apararaq dünyanın tarixini və sivilizasiyanı dəyişəcək mutasiyanı kəşf etməsindən sonra cərəyan edir.
"Qreqori təqviminin 2011-ci ilində, elm adamları indiyə qədər həmişə gizli bir fenomen sayılan psixokinezin (PK) varlığını qəti şəkildə sənədləşdirdilər. Bundan əvvəl, istər kütlə içində, istərsə də laboratoriyalarda olsun, bütün PK sınaqları tamamilə uğursuzluqla nəticələnmişdi. Lakin 2011-ci ildə Azərbaycan Respublikasının paytaxtı Bakı şəhərində alim İmran İsmayılov uğurlu təcrübələr aparır. İsmayılovun təcrübələrinin müvəffəq olacağına şübhə edənlər də var idi.
İsmayılovun kəşf etdiyi ilk şəxs Nona Mərdanova on doqquz yaşlı qız idi. Bacardığı tək şey şəffaf bir borunun içərisinə möhürlənmiş yüngül plastik bir topu hərəkət etdirmək idi. Ancaq o, bəşəriyyətin gizli gücünü oyadan katalizator oldu. PK istifadəçilərinin sayı sürətlə böyüdü və nəticədə bütün əhalinin 3 faizinə çatdı.
Başlanğıcda, adi insanlar PK istifadəçilərini kənarlaşdırdı. PK istifadəçiləri bu həqiqəti gizli saxlamalı oldular.
Sonradan isə mutasiya keçirmiş uşaqlar öz ekstrasens qabiliyyətlərinin inkişafı üçün məktəbə getməyə başlayırlar. Amma məktəbdə vaxtaşırı olaraq səbəbsiz və müəmmalı şəkildə yoxa çıxırlar. Əsas hadisələr də bundan sonra cərəyan edir”, - deyə "shinsekaiyori.fandom” saytında bildirilir.
Qeyd edək ki, 25 seriyadan ibarət animenin hər seriyası 20-25 dəqiqə çəkir.
Aysel
Sfera.az