“Azərbaycanın bu addımı Moskvanın xoşuna gəlmədi” – Elxan Şahinoğlu
11:24 / 18.01.2022
597
"Azərbaycan
Prezidentinin Ukrayna səfəri və Kremlin hədəf götürdüyü Zelenski ilə müzakirələr
aparması Moskvanın xoşuna gəlmədi. Ukrayna kimi Azərbaycan da xarici siyasətini
necə formalaşdırması seçimində sərbəstdir. İlham Əliyevin Kiyevə səfəri göstərdi
ki, Azərbaycan müstəqil xarici siyasətində "Moskva necə düşünəcək?” prinsipindən çıxış etmir”.
Bu sözləri
Sfera.az açıqlama verən politoloq Elxan Şahinoğlu Azərbaycan Prezidenti İlham
Əliyevin Ukraynaya səfəri və Kiyevdəki görüşün pərdəarxası məqamlarını şərh edərkən
deyib.
Politoloq
hesab edir ki, Qərbdə bu gün ən çox müzakirə olunan mövzu Rusiyanın Ukraynaya
mümkün hərbi müdaxiləsidir:
"Belə bir məqamda
İlham Əliyevin Kiyevə səfər edərək Ukrayna Prezidenti Vladimir Zelenski ilə geniş
müzakirə aparması və müxtəlif sənədlər imzalaması rəsmi Bakının Ukraynaya və bu
ölkənin ərazi bütövlüyünə verdiyi dəstəyi ifadə edir. Eynilə Ukrayna da Azərbaycanın
ərazi bütövlüyünü dəstəkləyir, bunu İkinci Qarabağ müharibəsi də göstərdi.
Ukrayna Qarabağın yenidən qurulması prosesində iştiraka hazırdır. Bu Azərbaycan
üçün əhəmiyyətlidir”.
Politoloq
qeyd edib ki, Ukrayna ilə strateji tərəfdaşlıq Azərbaycanın milli və təhlükəsizlik
maraqlarına cavab verir:
"Azərbaycanın
Ukrayna ilə iqtisadi münasibətləri genişləndirməsinə ehtiyacı var. Ukraynanın
münbit torpaqları var və bu torpaqlarda məhsuldarlıq yüksəkdir. Azərbaycan
Ukrayna kimi yüksək məhsuldarlığa malik kənd təssərrüfatına malik olmaq istəyir.
Azərbaycan özünü taxılla tam təmin edə bilmir. Bu sahədə Azərbaycan Ukrayna ilə
əməkdaşlığını genişləndirəcək. Azərbaycan həm Ukraynadan taxıl ala, həm də
Ukraynada münbit torpaqlarının bir hissəsini icarəyə götürüb taxıl əkə bilər. Kənd
təssərrüfatının digər sahələrində də Ukrayna-Azərbaycan əlaqələrinin intensivləşməsinə
ehtiyac var”.
E. Şahinoğlu
Ukrayna prezidentinin azərbaycanlı həmkarı ilə görüşdə irəli sürdüyü təkliflərdən
danışıb:
Turan Rzayev