No Image
No Image

Azərbaycanda qida məhsullarının idxalı kəskin artıb: Milyonlarla dollar ödəyib nə almışıq?

Azərbaycanda qida məhsullarının idxalı kəskin artıb: Milyonlarla dollar ödəyib nə almışıq?
Azərbaycanda kənd təsərüfatı məhsullarının istehsalında və qida sənayesində ardıcıl inkişaf templərinin təmin edilməsinə baxmayaraq xaricdən idxal edilən yeyinti (qida) məhsullarına tələb artır. Bunun nəticəsidir ki, son 10 ildə yeyinti məhsullarının həm idxal dəyəri artıb, həm də ümumi idxalda payı yüksəlib. 

Sfera.az bildirir ki, 2011-ci ildə ilk dəfə olaraq qida məshullarının idxal dəyəri 1 milyard dollar həddini ötüb. Həmin ildə yeyinti məhsullarının idxalına 1,081 milyard dollar xərclənib və bu vəsait cəmi idxalın 11,1 faizini təşkil edib. 2013-cü ildə yeyinti məhsullarının idxalı 1,15 milyard dollara (cəmi idxalın 10,75 faizi), 2018-ci ildə 1,37 milyard dollara (cəmi idxalın 12 faizi), 2020-ci ildə 1,64 milyard dollara (cəmi idxalın 15,3 faizi) yüksəlib. Son 10 ildə yeyinti məhsullarının idxal dəyəri 559 milyon dollar, yəni 52 faiz artıb. İdxalın həcmi ilə yanaşı cəmi idxalda payı da 4,55 faiz bəndi böyüyüb. 

Bəs, Azərbaycan hansı yeyinti məhsullarının idxalında böyük artıma nail olub?

Məlumatların təhlili göstərir ki, yeyinti məhsullarının idxalında həm dəyər, həm də faiz nisbətində ən böyük artım diri heyvanlar və heyvan mənşəli məhsullarda müşahidə edilib. Bu növ məhsulların idxalına 2011-ci ildə 118,7 milyon dollar xərcləndiyi halda ötən il 322,7 milyon dollar xərclənib. On il ərzində heyvan mənşəli məhsullara 204 milyon dollar və ya 2,72 dəfə çox vəsait xərclənib. 

Heyvan mənşəli məhsulların bütün alt sahələri üzrə kəskin artım qeydə alınıb. Burada ən çox artım diri heyvanlarda (4,95 dəfə) qeydə alınıb. Onun tərkibində diri iribuynuzlu idxalı 9,6 milyon dollardan 47 milyon dollara, diri qoyun və keçi idxalı 367 min dollardan 15,2 milyon dollar yüksəlib. Digər heyvandarlıq məhsullarının da alışı xeyli artıb. Dondurulmuş çəkildə olan iribuynuzlu heyvan əti idxalı 8,5 milyon dollardan 32,5 milyon dollara, ev quşlarının ətinin idxalı 34,4 milyon dollara, dondurulmuş balıq idxalı 4,6 milyon dollardan 15,6 milyon dollara kimi yüksəlib. 

Heyvandarlıq məhsulları arasında ən çox vəsait kərə yağı idxalına xərclənir. Ötən il kərə yağı idxalına 82,6 milyon dollar xərclənib ki, bu da 10 il əvvəlki göstəricidən 3,17 dəfə çoxdur. Pendir və kəsmiyə 32 milyon dollar (3,36 dəfə çox) vəsait xərclənib. 

Bitki mənşəli məhsulların idxalına çəkilən xərc də xeyli dərəcədə artıb. 2011-ci ildə bitki mənşəli məhsulların idxalına 520 milyon dollar xərcləndiyi halda ötən il 714 milyon dollar xərclənib. Bu növ məhsullara çəkilən xərc 194 milyon dollar və ya 37 faiz artıb. 
Bitki mənşəli məhsullar arasında taxıla 360 milyon dollar (45 milyon dollar artım), meyvə-tərəvəzə 204 milyon dollar (124 milyon dollar artım), qəhvə və çaya 63 milyon dollar (41 milyon dollar artım) xərclənib. 

Yeyinti məhsulları arasında bitki mənşəli məhsullardan sonra ən çox vəsait hazır qida məhsullarının alışına xərclənib. 2020-ci ildə hazır qida məhsullarının idxalına 620 milyon dollar xərclənib ki, bu da 10 il əvvəlki göstəricidən 210 milyon dollar artıqdır. Burada daha çox vəsait şəkər və qənnadı məshullarına (138 milyon dollar, 59 milyon dollar azalma), taxıldan hazırlanan hazır məhsullarına (107 milyon dollar, 62 milyon dollar artım), kakoya (76 milyon dollar, artım 42 milyon dollar artım) sərf edilib. 

Vasif
Sfera.az
   


Turan Bank

OXŞAR XƏBƏRLƏR

Azərbaycanda əməkhaqqları azalır, pensiyalar artır – Belə davam edərsə...

Azərbaycanda orta pensiya məbləğinin orta əməkhaqqına nisbətində artım müşahidə edilir. 2020-ci ildə orta aylıq pensiyanın orta əməkhaqqına nisbəti 42,4 faiz ol...

Ev almaq istəyənlərə ŞAD XƏBƏR

Mövcud makroiqtisadi vəziyyət daşınmaz əmlak qiymətlərinin yüksəlməsini çətinləşdirir. Xüsusən, ümumi daxili məhsul (ÜDM) istehsalının nominal göstəricilərinin ...

ABŞ Ukraynadakı gərginliyi buna görə körükləyir: “Böyük oyun” regiona necə təsir edəcək?

ABŞ-da demokratların hakimiyyətə gəlməsindən sonra Ukrayna ətrafında gərginliyin yenidən artması müşahidə edilir. Ukrayna şərq rayonlarında seperatizmi aradan q...

Bu evlərin kirayəsi 2-3 dəfə BAHALAŞACAQ

Təhsildə yenidən distant formaya keçid kirayə bazarında aktivliyə mənfi təsir göstərib, qiymətlər 2020-ci ildəki səviyyə qayıdıb.    Sfera.az sa...

“Günlük 80-100 manata olan evlər indi 30-50 manata təklif olunur" - Kirayə mənzil bazarında son durum

Üzü yaya doğru daşınmaz əmlak bazarında kirayə və satış üçün nəzərdə tutulan mənzillərin qiymətlərində dəyişikliklərin olduğu bildirilir.   Maraqlıdır, m...

Dünyada tələb çoxalır - Azərbaycanın gəlirləri yaxın 5-10 ildə kəskin artacaq

Azərbaycanda son illərdə fındıq bağlarının sahəsi davamlı genişləndirilir. Qısa müddətdə fındıq bağlarının sahəsi 2 dəfədən çox genişləndirilib. 2011-ci ildə 29...