Azərbaycanda kriptovalyutadan niyə istifadə olunmur?- Ekspert səbəblərdən danışdı
"Praktiki baxımdankriptovalyutaların istifadəsi üçün ölkəmizdə hazırlıq yoxdur”.
Sfera.az-a açıqlamasında bu sözləri dünyada kriptovalyutalara, bitkoinlərə marağın artması fonunda onun Azərbaycada da istifadə edilməsinin mümkünlüyü ehtimalına toxunarkən iqtisadçı ekspert Fuad İbrahimov deyib:
"Azərbaycan bu prosesə hazır deyil. Nəzərə alaq ki, Azərbaycanın maliyyə bazarlarının fundamental, institusional səviyyədə fəaliyyəti yox dərəcəsindədir. Tək "İnvest.az” şirkəti Azərbaycanda bu siyasəti yürüdür. Amma onun tanıdılma səviyyəsi zəifdir, xüsusi çəkisi çox azdır. 10 milyonluq vətəndaşı olan ölkədə üst-üstə götürəndə onun toplam çəkisi heç 3 faiz də etmir”.
Ekspert bildirdi ki, bu məsələnin reallaşması yalnız gələcəkdə mümkün görünür: "Kriptovalyutanın ölkəmizdə tətbiqinə zaman lazımdır. Hətta iqtisadi cəhətdən inkişaf etmiş ölkələrdə belə kriptovalyutaların xüsusi çəkisi elə də böyük deyil, bəzi hallarda çətinliklə 10 faizə çatır. Bu da ondan irəli gəlir ki, kriptovalyutalara virtual valyuta olaraq daha çox gələcəyin valyutası kimi baxırlar. Belə bir durumda Azərbaycanda onun tətbiqindən danışmaq həddən artıq tezdir”.
Elçin
Sfera.az