Azərbaycanda koronavirusa yoluxanlar arasında niyə qadınlar çoxluq təşkil edir? – Səbəblər
16:10 / 25.05.2021
2423
"Bu həyat tərzilə bağlı məsələdir”.
Bu sözləri Sfera.az-a açıqlamasında TƏBİB yetkilisi
Yaqut Qarayevanın Azərbaycanda koronavirusa yoluxanlar arasında qadınların daha
çox olması barədə açıqlamasına münasibət bildirərkən tibb elmləri doktoru,
infeksionist Vüqar Cavadzadə deyib.
O, həqiqətən də, COVİD-19-a yoluxanlar arasında
qadınların üstünlük təşkil etdiyini təsdiqləyib: "Son bir ayda yoluxanlar
arasında xanımların sayı çoxdur. Sorğu
aparanda bəlli olur ki, həmin xanımların əksəriyyəti xeyir-şər məclislərində
yoluxanlardır. Görünən odur ki, kişilərdən
fərqli olaraq, qadınlar bu kimi tədbirlərə daha çox gedir.
Həmçinin, kişilərlə müqayisədə xanımlar daha çox gözəllik
salonlarına üz tutur. Hansı ki, bu xidmət sahələri də qapalı məkan olmaqla,
yoluxmaya daha çox meylli məkanlardır. Ona görə də yoluxanlar arasında daha çoxdurlar”.
.