Azərbaycanda DƏHŞƏT: Üç övladı koronavirusdan ölən valideynlər xəstəxanadan qovuldu - FOTO

Azərbaycanda DƏHŞƏT: Üç övladı koronavirusdan ölən valideynlər xəstəxanadan qovuldu - FOTO
 

Azərbaycanda koronavirus bir ailənin üç üzvünü - iki qardaşı və bir bacını öldürüb. İsmayıllıda yaşayan yaşlı ər-arvad 22 günün içində iki oğlunu və bir qızını koronavirusdan itirib. Qızını dəfn etdikdən sonra şəkər xəstəsi olan 79 yaşlı atanın vəziyyəti ağırlaşıb. Həyat yoldaşı və ölən qızının nəvələri ilə birlikdə onu xəstəxanaya aparıblar. Virusa yoluxacağından qorxan həkimlər onları nəinki qəbul edib, hətta xəstəxanadan qovublar. 

Sfera.az  xəbər verir ki, əvvəlcə Bakıda yaşayan böyük qardaş Mustafayev Azər Bəyoğlan oğlu (28.04.1970 təvəllüdlü) 1 iyun tarixində yerləşdirildiyi 1 saylı Kliniki Tibbi Mərkəz (Semaşko) xəstəxanasında vəfat edib.

Onun ölümündən 3 gün sonra - 4 iyunda kiçik qardaş Mustafayev Aqşin Bəyoğlan oğlu (29.06.1974) yerləşdirildiyi Ağciyər İnstitutunda virusla mübarizəyə davam gətirməyib.


Hər iki qardaş doğulub-böyüdükləri İsmayıllıda dəfn edilib. Sumqayıtda yaşayan Mustafayeva Yaqut Bəyoğlan qızı (04.11.1971) qızları ilə birlikdə qardaşlarının yasında iştirak edib. Qardaşlarının 7 mərasimindən sonra evinə qayıtmaq planı baş tutmayıb. Virusa yoluxduğu üçün elə orada xəstəxanaya yerləşdirilib. Ona ikitərəfli pnevmoniya diaqnozu qoyulub və ciyərlərində buz parçasının olduğunu deyiblər. İsmayıllı rayon Mərkəzi Xəstəxanasında bir gün qaldıqdan sonra Ağdaş rayon Mərkəzi Xəstəxanasına göndərilib. 

Onunla birlikdə atası Mustafayev Bəyoğlan Xanalı oğlu (10.03.1941), anası Mustafayeva Salatun Qoçu qızı (05.05.1948) və əkiz qızları

Mirzəliyeva Xumarə və Çinarə Şahin qızları (20.01.1997) Ağdaş rayon Mərkəzi xəstəxanasına yerləşdiriliblər. Valideynlərdən və Yaqut xanımın qızlarından test götürülüb, lakin onlarda virus aşkarlanmayıb. 

49 yaşlı Yaqut Mustafayeva 10 gündən sonra - 22.06.2020-ci il tarixində yerləşdirildiyi xəstəxanada vəfat edib. Onu dəfn etmək üçün valideynlərini xəstəxanadan evə buraxıblar. 

22 günün içində üç övladını itirən atanın şəkəri qalxıb. Xanımı və nəvələri onun vəziyyətinin ağırlaşdığını görüb İsmayıllı rayon Mərkəzi Xəstəxanasına çatdırıb. Lakin xəstəxanada gözləmədikləri reaksiya ilə qarşılaşıblar. 79 yaşlı ata, 72 yaşlı ana və 23 yaşlı gənc qızlar xəstəxanadan qovulub.

Salatun xanım BAKU.WS-ə açıqlamasında xəstəxananın kordioloqu Ağayev Firudin tərəfindən qovulduğunu bildirdi:

"Yoldaşım şəkər xəstəsidir. Şəkəri 580-ə qalxdı. Mən, həyat yoldaşım, iki nəvəm xəstəxanaya getdik. Əvvəlcə kordioloq Ağayev Firudinin yanına getdik. Nə məndə, nə də yoldaşımda koronavirus əlamətləri yoxdur. Ağdaş rayon Xəstəxanasında bizdən götürülən test cavabı da neqativ çıxıb. Buna baxmayaraq bizə yaxın düşməkdən qorxdular. Bizi görən kimi içəri girib qapını bağladı. Sonra bizi rentgen şöbəsində müayinə edəcəkdilər. Otaqda rentgen həkimi, bir tibb bacısı, bir də digər əməkdaş var idi. Firudin həkim onların yanına gəldi, onlara nə dedisə, rentgen otağının qapısını bağlayıb bizi qovdular. Dayandığımızı görüb bizi qovmaq üçün polis çağırdılar. Firudin həkim "Aman Allah, hamı içəri girib qapını bağlasın" deyib qışqırırdı. Kor-peşiman evə qayıtdıq. Öz pulumuzla belə müalicə etmirlər. Biz nə edək?

İsmayıllı Mərkəzi Xəstəxanasının baş həkimi Rəhimov Vidadi Hənnan oğlu mənim şagirdim olub. Ona zəng vurub dedim ki, axı biz nə edək. Cavab verdi ki, evə təcili tibbi yardım göndərəcək. Hələ gözləyirik".

İki oğlunu və bir qızını itirən atanın vəziyyəti ağır olaraq qalıb. Bir tərəfdə də koronavirusun öldürdüyü övladlarının başsız qaldığı yeniyetmə uşaqları... Baba onlara sahib çıxmaq üçün yaşamaq istəyir...


OXŞAR XƏBƏRLƏR

SON DƏQİQƏ! Polkovnik-leytenant vəfat etdi - FOTO

  Uzun illər Azərbaycan Milli Elmlər Akademiyasının Rəyasət Heyətinin Birinci xüsusi şöbəsinin rəisi və "Alyans” Veteranlar Birliyinin üzvü olmuş, arxa cə...

SON DƏQİQƏ! Azərbaycanlı dünya çempionu 22 yaşında vəfat etdi FOTOLAR

 Azərbaycan idmanına itki üz verib.   "Report"un məlumatına görə, dünən gecə qəflətən halı pisləşən zorxana ustası Rüfət Gülaliyev vəfat edib. ...

SON DƏQİQƏ! Azərbaycanda daha bir həkim koronavirusdan öldü — FOTO

 Astaranın məşhur həkimlərindən biri, cərrah Kamil Əliyev COVID-19-un qurbanı olub.   Sfera.az  oxu.az-a istinadən xəbər verir ki, 48 yaşlı tib...

Yas mərasimi keçirmək istəyən şəxslər cərimələndi - FOTOLAR

 İyulun 4-də Samux Rayon Polis Şöbəsinə rayonun Kolayır kəndində yas mərasiminin keçirilməsi barədə məlumat daxil olub. Daxili İşlər Nazirliyinin Mət...

Nişan mərasimi edənlər saxlanıldı - Bəy cərimələndi -FOTOLAR

  İyul ayının 3-də Qazax Rayon Polis Şöbəsinə rayon ərazisində yerləşən "Sərin Göl” restoranında nişan mərasimin keçirilməsi barədə məlumat daxil olub. ...

Daha bir həkim koronavirusdan vəfat etdi - FOTO

 Bu gün daha bir tibb işçisi koronavirusdan vəfat edib.  Sfera.az xəbr verir ki, Sumqayıt şəhər xəstəxanasının həkim reanimatoloqu Fərman Süleym...