Bu il ümumi inflyasiyanın 5,7 faiz olması fonunda bazis inflyasiyasının 3,6 faiz təşkil etməsi onu göstərir ki, əksər əmtəələrdə və xidmətlərdə qiymət artımları olub və bahalaşma qısamüddətli təsirlərdən baş verməyib. Yanvar-oktyabr dövründə ölkəmizdə baş verən 5,7 faizlik bahalaşmanın 3,6 faizlik hissəsinin bazis inflyasiyasından ibarət olması ondan xəbər verir ki, ölkəmizdə qiymət artımları daha çox uzunmüddətli qiymət dəyişiklikləri ilə bağlı olub. Yəni, dövlət enerji qiymətlərini, kommunal xidmətlərin qiymətini dəyişdirməsəydi də yüksək qiymət artımları qeydə alınacaqdı.