Azərbaycanda 83,3 milyon manat dəyərində metal pul var
16:18 / 24.09.2021
1122
Azərbaycanda dövriyyədə olan nağd pulların 0,7 faizi metal pullardan ibarətdir. Metal pulların ümumi dəyəri 83,3 milyon manat təşkil edir.
Sfera.az Mərkəzi Banka istinadən xəbər verir ki, metal pullar son 1 ildə 8 milyon manat, son 5 ildə 33 milyon manat artıb.
Dəyər ifadəsində metal pulların daha çox hissəsi 50 qəpiklərdən ibarətdir. Bu nominalda olan pullar bütün metal pulların 44,1 faizini təşkil edir. Metal pulların 33,2 faizi 20 qəpik, 15,9 faizi 10 qəpik, 4,4 faizi 5 qəpik, 2,4 faizi 2 və 1 qəpiklərdir.
Ədədlə ifadə edildikdə cəmi metal pulların sayı 514,2 milyondur. Məbləğ ifadəsində isə nağd pulların 0,7 faizi metal pullardır.
Vasif
Sfera.az