Azərbaycanda iqtisadi rayonların sayı 10-dan 14-ə artırıldı
16:00 / 07.07.2021
1410
Azərbaycan Prezidentinin imzaladığı Fərmanla
iqtisadi rayonların yeni bölgüsü aparılıb. Yeni bölgüyə əsasən ölkəmizdə olan
10 iqtisadi rayonun arazisində 14 iqtisadi rayon yaradılıb.
Sfera.az xatırladır ki, əvvəlki bölgüyə əsasən ölkəmizdə
Abşeron, Gəncə-Qazax, Şəki-Zaqatala, Lənkəran, Quba-Xaçmaz, Aran, Yuxarı
Qarabağ, Kəlbəcər-Laçın, Dağlıq Şirvan və Naxçıvan iqtisadi rayonları olub.
Ciddi dəyişiklik Yuxarı Qarabağ, Kəlbəcər-Laçın, Aran
və Gəncə-Qazax iqtisadi rayonlarında edilib.
Aran iqtisadi rayonunun ərazisində Mərkəzi Aran,
Mil-Muğan və Şirvan-Salyan iqtisadi rayonları yaradılıb.
Kəlbəcər-Laçın iqtisadi rayonuna aid olan 4 rayon –
Kəlbəcər, Laçın, Qubadlı və Zəngilan, həmçinin Yuxarı Qarabağda olan Cəbrayıl
rayonu Şərqi Zəngəzur iqtisadi rayonunun ərazisinə daxil edilib.
Yuxarı Qarabağın tərkibində qalan 7 rayon və əvvəllər
Aran iqtisadi rayonunda daxil olan Ağcəbədi və Bərdə rayonları isə Qarabağ
iqtisadi rayonunu formalaşdırıb.
Gəncə-Qazaxa aid olan rayonlar 2 iqtisadi rayona
daxil edilib.
Vasif
