Azərbaycana xaricdən göndərilən pul artıb – Ən çox bu ölkədən vəsait gəlir
15:19 / 02.04.2021
1689
Ötən il fiziki şəxslər tərəfindən Azərbaycandan xaricə 556,54 milyon dollar, xaricdən Azərbaycana 1,094 milyard dollar pul baratı göndərilib.
Sfera.az Mərkəzi Banka istinadən xəbər verir ki, 2019-cu illə müqayisədə ölkəmizə göndərilən pul 160 milyon dollar və ya 17,13 faiz artıb. Bir il əvvəl Azərbaycana 934 milyon dollar pul göndərilmişdi.
Azərbaycandan xaricə göndərilən pullarda da artım var. Bir il ərzində xaricə göndərilən pulun həcmi 125,5 milyon dollar, yaxud 29,11 faiz artıb. 2019-cu ildə xaricə 431,1 milyon dollar göndərilmişdi.
Məlumatların təhlilindən görünür ki, həm xaricə, həm də Azərbaycana göndərilən pulların həcminə görə əsas ölkə Rusiya olub.
Rusiyaya göndərilən pul 148,39 milyon dollar, Rusiyadan Azərbaycana göndərilən pul 606 milyon dollar təşkil edib.
Azərbaycandan daha çox pul göndərilən ölkələr sırasında növbəti yerlərdə Türkiyə (117,43 milyon dollar), Gürcüstan (59,45 milyon dollar), ABŞ (50,89 milyon dollar), Birləşmiş Krallıq (25,2 milyon dollar), Ukrayna (22,5 milyon dollar), Almaniya (21,26 milyon dollar) gəlir.
Ölkəmizə Rusiyadan sonra ən çox pul Türkiyədən (76,37 milyon dollar), ABŞ-dan (53,35 milyon dollar), Almaniyadan (37 milyon dollar), Gürcüstandan (34,88 milyon dollar), Birləşmiş Ərəb Əmirliyindən (32,5 milyon dollar), Qazaxıstandan (30,328 milyon dollar), Birləşmiş Krallıqdan (26,6 milyon dollar) göndərilib.
Vasif
Sfera.az