Azərbaycana 2900 "Afrika şiri" gətirmək istədilər
Hadisə
15:33 / 06.03.2019
3426
Dərmanlar "Qırmızı Körpü" gömrüyündə aşkarlanıb
Azərbaycana gizli yolla dərman və içki gətirilməsinin qarşısı alınıb. Gömrük Komitəsindən Sfera.az-a verilən məlumata görə, qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında, idarənin "Qırmızı Körpü" gömrük postunda Gürcüstandan Azərbaycana gələn "Mercedes Benz" markalı avtomobil saxlanılıb və gömrük baxışı keçirilib.
Baxışdan öncə vətəndaş üzərində və idarə etdiyi nəqliyyat vasitəsində gömrük nəzarətindən gizlədilən hər hansı predmetin olmadığını bildirib.
Baxış zamanı, nəqliyyat vasitəsinin salonunda gizlədilmiş 16 ədəd üzərində "Nemirovskaya" yazısı olan spirtli içki və 2900 ədəd üzərində "Afrika şiri" yazısı olan dərman preparatları aşkar edilib.