No Image
No Image

Azərbaycan üç erməni diversantını niyə azad etdi? – “Bu xəbərdarlıq jestidir, əgər..."

Azərbaycan üç erməni diversantını niyə azad etdi? – “Bu xəbərdarlıq jestidir, əgər...
"Bakının məlum davranışını məcburiyyət qarşısında qabaqlayıcı addım kimi dəyərləndirməliyik”.

Bu sözləri Sfera.az-a açıqlamasında Azərbaycanın müharibə bitdikdən sonra, diversiya əməliyyatına görə həbs edilmiş 3 erməni əsgərini azad etməsinə münasibət bildirərkən politoloq Natiq Miri deyib:   
 
"Azərbaycana beynəlxalq səviyyədə təzyiqlər var. Avropa Şurası, Avropa Birliyi və Rusiya səviyyəsində ölkəmizə müəyyən təzyiqlər edilir. Bu müstəvidə Bakı 3 erməni diversantı buraxmaqla humanist jest edərək bir növ prosesi qabaqlamaq istəyir.
 
Həm də unudulmamalıdır ki, bu addım azad edilmiş həmin üç erməni hərbçisinin Azərbaycanın mülki əhalisi və hərbçilərinin qətlində iştirakı olmadığı təsdiqləndikdən sonra atılıb. Görünür, gələcəkdə də araşdırmalardan sonra sözügedən cinayətləri törətməmiş digər erməni məhbusları azad edilə bilər. Bununla bağlı Azərbaycan bir növ ümid çırağı yandırdı və bu da təzyiqlərin dayandırılmasına hesablanıb”.

Politoloq düşünür ki, atılan humanist addım heç də konkret bazarlıq predmeti olaraq atılmayıb: "Bunun müqabilində Azərbaycanın qarşı tərəfdən istədikləri də bəllidir.  10 noyabr və 11 yanvar bəyannamələrindən irəli gələn konkret öhdəliklər var. Amma bu öhdəliklər İrəvan və Moskva tərəfindən yerinə yetirilmir. Aprelin 26-da Fransa və Rusiya prezidentləri arasındakı telefon danışığında da əsas müzakirə predmetindən biri məhz həmin erməni məhbusların buraxılması məsələsi olub. Rusiyanın xarici işlər naziri Sergey Lavrov Ermənistana, ardınca da mayın 10-11-də Azərbaycana səfər edəcək. Böyük ehtimalla səfərin gedişində Lavrov məhz həbs edilmiş erməni diversantlarla bağlı məsələni qaldıracaq”. 
 
N. Miri zənn edir ki, Azərbaycan bununla Ermənistan və Rusiyaya qarşı birtərəfli qaydada bir jest etdi: "Yaxın zamanda bunun qarşılığı olmazsa, yenidən Ermənistanın başına dəmir yumruq dəyə bilər. Fikrimcə, bəzi məhbusların buraxılması həm də xəbərdarlıq xarakteri daşıyır. Yəqin ki, bu xəbərdarlıq Lavrovun da diqqətinə çatdırılacaq”.
 
Rüfət SULTAN 
 
Sehliyali
Turan Bank

OXŞAR XƏBƏRLƏR

Türkiyə Prezidentinə “Zəfər” adlı Qarabağ atı hədiyyə edildi

Şuşada Heydər Əliyev Fondunun təşkilatçılığı ilə "Musiqi irsi və Qarabağ atları Cıdır düzündə” kompozisiyasının təqdimatı zamanı Türkiyə Respublikasının Prezide...

Əliyevlə Ərdoğanın Şuşadan dünyaya verəcəkləri mesaj – Nələr gözlənilir?

"İlham Əliyevin Ərdoğanı Bakıda yox, Qarabağda rəsmi mərasimlə qarşılamasının iki şifrəsi var. Birincisi, işğaldan azad edildikdən sonra Qarabağa ilk səfər ed...

Ərdoğanın Şuşaya səfər proqramı AÇIQLANDI

Türkiyə Prezidenti Rəcəb Tayyib Ərdoğanın Azərbaycandakı səfər proqramı bəlli olub. Sfera.az TRT-yə istinadən xəbər verir ki, Bakıya gələn Ərdoğan buradan...

Azərbaycan Ermənistandan mina xəritələrini almağa davam edəcək: Növbədə hansı rayondur? – AÇIQLAMA

Ötən həftə işğaldan azad olunan Ağdam rayonunun minalanmış ərzailərinin xəritələri 15 erməni əsirin müqabilində Azərbaycan tərəfinə verildi. Qarşıdakı zama...

Ərdoğan Şuşada Azərbaycan xalqına hansı sürprizi edəcək? – "Bəlkə elə bunu nəzərdə tutur..."

"Türkiyə ilə ABŞ arasında istənilən məsələlərdə razılıq əldə olunması birmənalı olaraq Azərbaycanın və Azərbaycan-Türkiyə dostluğunun mənafeyinə xidmət edir”....

ABŞ bölgədə Rusiyanı qabaqlayır – “Günahkar isə Moskvanın özüdür...”

"Bölgə ilə bağlı humanitar məsələlərin həllində ABŞ Rusiyanı üstələməyə başlayıb”.   Bu sözləri Sfera.az-a açıqlamasında iyunun 12-də Bakı ilə İrəv...