Azərbaycan təhsilində maraqlı NƏTİCƏ
20:36 / 29.09.2021
1591
"Azərbaycanın təhsil tarixində rekord nəticə baş verib. Bu gün Azərbaycan Respublikasının Prezidenti cənab İlham Əliyevin sərəncamı ilə ali məktəblərə ən yüksək nəticə ilə qəbul olmuş 102 tələbəyə Prezident təqaüdü verilib".
Sfera.az xəbər verir ki, bunu Bakı Ali Neft Məktəbinin rektoru Elmar Qasımov sosial şəbəkə hesabında qeyd edib.
Onun sözlərinə görə, təqaüd verilənlərdən 33 nəfəri Bakı Ali Neft Məktəbinin tələbəsidir.
"Heç zaman bu sayda Prezident təqaüdçüsü bir ali məktəbdə olmamışdır. Mən qürur duyuram. 10 illik fəaliyyətimizdə Azərbaycanın ən istedadlı gəncləri bizi seçməkdə davam edir. MƏHZ BİZİ SEÇİRLƏR. Bizə inanırlar. Bizim ən böyük piarımızı məzunlarımız, tələbələrimiz edir. Buna görə çox xoşbəxtik. Siz, Millətimizin intellektual əsgərlərisiniz.
Əziz tələbələrimiz, etimad və etibarınıza görə sizə minnətdaram. Bir rektor olaraq, söz verirəm seçiminizdə yanılmayacaqsınız.
Ən başlıcası, biz sizə öyrənməyi öyrədəcəyik.
BANM ailəsinə xoş gəlmisiniz"!
