Azərbaycan “Taliban”ın kömək çağırışına müsbət cavab verəcəkmi? – Şərh
12:29 / 24.09.2021
1676
Əfqanıstanın
müvəqqəti hökumətinin mədəniyyət və informasiya nazirinin müavini Zəbiullah
Mücahid "Taliban” hökumətinin BMT-də yer almaq üçün dost ölkələrdən kömək istəyə
biləcəyini qeyd edib.
Ümumiyyətlə,
"Taliban”ın gec-tez dünya ölkələri ilə əlaqələri bərpa edəcəyi bəlli idi. Çünki
hərəkat özü də anlayır ki, təkcə Əfqanıstanın daxili resursları hesabına uzun
müddət hakimiyyətdə qalmaq mümkün deyil. Digər tərəfdən, "Taliban” Əfqanıstanın
leqal hakimiyyəti olmaq istəyirsə, dünyaya inteqrasiya etməyə məcburdur.
Hazırda
əksər ölkələr "Taliban”ı Əfqanıstanın leqal hakimiyyəti olaraq saymasa da, "Taliban”ın
müraciət edəcəyi 4 müsəlman ölkə var. Bu istiqamətdə Taliban Qətər, Pakistan,
Türkiyə, hətta Azərbaycana belə müraciət edə bilər.
Zəbiullah
Mücahidi özü də qeyd edib ki, Qətər çətin dövrlərdə bizə dəstək verən digər ölkələr
ilə aramızda vasitəçi rolunu oynaya, BMT-də yer almağımıza kömək edə bilərlər.
Mücahidinin Qətərin adını çəkməsi təsadüfi deyil. Qətər "Taliban”a ən böyük dəstək
verən, hətta hərəkatının mənzil qərargahlarından birinə ev sahibliyi edən ölkədir.
Buna görədə hazırda "Taliban”ın ən böyük ümidi bu ölkəyədir.
Pakistan
da, "Taliban”a BMT-də yer almaq üçün dəstək ola bilər. Bu gün Pakistanda 13
milyondan artıq puştun yaşayır. Bu say Əfqanıstanda yaşayan puştunlardan iki dəfə
artıqdır. Onu da qeyd edim ki, "Taliban” Əfqanıstanda gücdən düşdyü bir zamanda
belə Pakistan ərazisində öz gücünü bərpa edərək, hərəkata davam edə bilirdi.
Pakistanın uzun müddət verdiyi dəstək bu ölkənin bu gün "Taliban”a digər sahələrdə
yaradım edə biləcəyini göstərir.
Türkiyə
və Azərbaycan hələ ki, "Taliban” hökümətinə ehtiyatla yanaşsa da bunun dəyişəcəyi
istisna edilmir. "Taliban”ın verdiyi mesajlardan da aydındır ki, hərəkatın rəsmi
Bakı və Ankaraya qarşı mövqeyi pis deyil. Xüsusilə Türkiyənin siyasi, gücü hərbi
potensilı və söz sahibi mövqeyi "Taliban” üçün əvəzsiz imkandır. Taliban buna
görə israrla Türkiyə ilə əlaqələri inkişaf etdirmək, Ankara vasitəsilə dünya
siyasi arenasında özünə yer etmək istəyir. Rəsmi Bakının bu istiqamətdə Ankara
ilə birlikdə hərəkət edəcəyi də şübhə doğurmur.
Turan
Rzayev
