Azərbaycan bayrağını Lələtəpəyə sancan polkovnik həbs edildi - FOTO

Azərbaycan bayrağını Lələtəpəyə sancan polkovnik həbs edildi - FOTO
Beyləqan Rayon Polis Şöbəsi Azərbaycan ordusunun polkovniki Qadir Vəlişovu xuliqanlıq ittihamı ilə həbs edib.

Sfera.az gununsesi.org-a istinadən xəbər verir ki, bu barədə polkovnikin yaxınları bildirib.

Onların sözlərinə görə, yaşadığı Beylaqan rayonuna qayıdan Vəlişov rayonda 13 hektar torpaq sahəsi və ferma üstündə yaranmış mübahisəyə görə CM-nin xuliqanlıq (221.3) maddəsi ilə  həbs edilib.

Məsələ ilə Daxili İşlər Nazirliyinin mətbuat xidmətindən miq.az saytına açıqlama verilib: 

 
"Sosial şəbəkə istifadəçisi olan bir nəfər Beyləqan rayon sakini Qadir Vəlişovun rayonun vəzifəli şəxsləri tərəfindən şərlənərək əsassız olaraq tutulması barədə məlumat yayımışdır. Bununla əlaqədar dərhal araşdırma aparılmış və müəyyən edilmişdir ki, sosial şəbəkə istifadəçisinin iddiaları tamamilə əsassızdır. Belə ki,  noyabrın 26-da Beyləqan rayonunun Kəbirli kənd sakini İrfanə Eminova və həyat yoldaşı İbrahim Alıyev Beyləqan RPŞ-yə müraciət edərək Qadir Vəlişovun onların yaşadıqları evə gələrək heç bir ciddi əsas olmadan onları ölümlə hədələdiyini, evdən çıxmalarını tələb etdiyini bildirmişlər. Aparılan ilkin araşdırmalarla müəyyən edilmişdir ki, Qadir Vəlişov həqiqətən də onların evinə gələrək ictimai qaydanı kobud surətdə pozan, cəmiyyətə açıq hörmətsizlik ifadə edən və şəxslər üzərində zor tətbiq edilməsi ilə müşayiət olunan xuliqanlıq hərəkətləri edərək evin pəncərə şüşələrini, məişət əşyalarını sındırmış, İ.Alıyevi və İ. Eminovanı əlindəki çomaqla vuraraq onlara ağır dərəcəli bədən xəsarəti yetirmişdir.

Faktla əlaqədar Beyləqan RPŞ-də Cinayət Məcəlləsinin 221.3-cü (xuliqanlıq əməlinin silahdan və ya silah qismində istifadə olunan əşyalardan istifadə edilməklə törədilməsi, zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə cinayət işi başlanılmışdır. Rayon məhkəməsinin qərarı ilə Q.Vəlişov barəsində 3 ay müddətinə həbs qəti-imkan tədbiri seçilmişdir. Hazırda cinayət işi üzrə istintaq tədbirləri davam etdirilir."

Qeyd edək ki, polkovnik Vəlişov Qadir Saday oğlu Ləltəpənin işğaldan azad olunması əməliyyatına rəhbərlik edib. Azərbaycan bayrağını Lələtəpəyə sancan hərbçi kimi tanınıb. O, bu əməliyyat zamanı ağır yaralanıb.

Xatırladaq ki, 1986-cı ildə hərbi məktəbi bitirən Vəlişov Əfqanıstan müharibəsində döyüş yolu keçib. Qarabağ müharibəsi başlayan ilk gündən Silahlı Qüvvələrimizdə xidmət keçib,1994-cü ildə Füzuli istiqamətində ağır yaralanıb,1 il müalicə alandan sonra yenidən xidmətə qayıdıb.  15 ilə yaxın hərbi hissə komandiri işləyən polkovnik 2016-cı il aprel döyüşlərində də Talış istiqamətində snayper atəşi və minamyot partlayışından ağır yaralanıb. 8 aydan sonra yenidən xidmətə qayıdaraq, N saylı korpusda Döyüş hazırlığı şöbəsinin rəisi olub.

Daha sonra Naxçıvanski adına Hərbi litseyə rəis müavini təyin edilib. 6 ay əvvəl Silahlı Qüvvələrdən tərxis olunub.

OXŞAR XƏBƏRLƏR

TuranBankın Xırdalan şöbəsi fəaliyyətə başladı

TuranBank özünün xidmət şəbəkəsinin inkişafı strategiyasına uyğun olaraq yeni Xırdalan şöbəsini müştərilərin ixtiyarına vermişdir. Yeni şöbə Binəqədi rayonu....

Tovuzda həyəcan siqnalı - Xüsusi çevik dəstə göndərildi

 Avqustun 12-də saat 15:45-də Daxili İşlər Nazirliyinin ″102″ Xidməti-Zəng mərkəzi sistemindən Ərazilərinin Minalardan Təmizlənməsi üzrə Milli Agentliyə To...

Məmur oğlunun lüks avtomobil kolleksiyası - FOTOLAR

 Meliorasiya və Su Təsərrüfatı ASC-nin sədr müavini Rafiq Aslanovun oğlunun avtomobil kolleksiyası üzə çıxıb. Sfera.az xəbər verir ki, bu barədə məlu...

Bu gün 19 mindən çox abituriyent qəbul imtahanı verəcək

 Bu gün 19 min 197 abituriyent qəbul imtahanı verəcək. Dövlət İmtahan Mərkəzindən Sfera.az-a bildirilib ki, imtahanlar saat 11:00-da başlanacaq. Saat...

Atəşkəs rejimi 40 dəfə pozulub

 Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 40 dəfə pozub. Bu barədə Sfera.az-a Azər...

“Yaxın günlərdə Dağlıq Qarabağda təmizləmə əməliyyatı gözlənilir” – DEPUTAT

Aqil Abbas: "Biz Dağlıq Qarabağda müharibə aparmırıq, biz Dağlıq Qarabağı terrorçulardan təmizləməyə çalışırıq” Azərbaycan Respublikasının Xarici İşlər na...