Aydın Mirzəzadənin dairəsindən 3 məntəqənin nəticələri silindi
17:35 / 19.02.2020
3006
Mərkəzi Seçki Komissiyasının (MSK) iclasında 47 saylı Mingəçevir Seçki Dairəsindən namizədlər İbrahim Salamovun və Qurbanəli Yusibovun müraciətləri müzakirəyə çıxarılıb.
Bu barədə MSK üzvü Baxşeyiş Əsgərov məlumat verib. Onun sözlərinə görə, şikayətçilər müvafiq seçki dairəsi üzrə nəticələrin etibarsız sayılmasını tələb ediblər.
B.Əsgərov isə bildirib ki, həmin dairənin yalnız üç seçki məntəqəsində seçicilərin iradəsini müəyyənləşdirməyə imkan verməyən hallar aşkarlanıb.
47 saylı Mingəçevir Seçki Dairəsinin lider namizədi Aydın Mirzəzadədir.