ABŞ Prezidenti Donald Trampın Türkiyəyə səfərinin dəqiq tarixi hələ məlum deyil.

Bunu Türkiyə xarici işlər naziri Mövlud Çavuşoğlu deyib.

XİN rəsmisi əlavə edib ki, rəsmi Ankara ABŞ Prezidentini dəvət edib və görüşün hazırlanması istiqamətində işlər aparılıb.

M.Çavuşoğlu qeyd edib ki, amerikalı liderin Türkiyədə bir sıra yüksək səviyyəli görüşlərdə ikitərəfli münasibətlərin inkişafı və digər məsələləri müzakirə edəcəyi gözlənilir.

Trend xatırladır ki, ötən gün Türkyə KİV-ləri D.Trampın yaxın vaxtlarda Türkiyəyə səfər edəcəyi ilə bağlı məlumatlar yayıblar.