“Avropanın qaz böhranından Bakı və Ankara qazanclı çıxa bilər” – Yeni müqavilənin məğzi
11:09 / 16.10.2021
1214
"Türkiyə
ilə imzalanan yeni qaz müqaviləsi iki ölkə arasında strateji əhəmiyyətə
malikdir. Xüsusilə Avropada yaşanan qaz böhranı fonunda bu müqavilə Türkiyənin
və Azərbaycanın Avropa bazarında önəmini daha da artıracaq”.
Bu
sözləri Sfera.az-a iqtisadçı-deputat
Vüqar Bayramov Azərbaycan və Türkiyə arasında imzalanan yeni qaz müqaviləsi
haqda danışarkən deyib.
Millət
vəkilinin sözlərinə görə, Azərbaycan Türkiyənin mavi qaza olan tələbinin ödənilməsində
xüsusi paya malik olan ölkədir:
"Cənub
Qaz Dəhlizi çərçivəsində Azərbaycan Türkiyəyə 2021-ci ildə əlavə 8 milyard
kubmetr qaz nəql etmək fikrindədir. Yeni müqavilə Avropada müşahidə edilən mavi
qaz böhranı konteksində iki ölkə arasında strateji müttəfiqliyin artırılması
baxımından vacibdir. Son qiymət artımı və son enerji böhranı göstərir ki,
Avropa və digər inkişaf etmiş ölkələrin mavi qaza olan tələbi həddən artıq
çoxdur. Bu həm də Türkiyədə mavi qaz ehtiyatının formalaşması baxımından və
Türkiyənin bütövlükdə idxalının diversikasiyası baxımından vacib hesab olunur”.
