Avropa ölkələri sərhədlərini turistlərin üzünə açır – Ancaq peyvənd olunmuşlara
16:20 / 19.05.2021
2635
Avropa İttifaqı ölkələri koronavirusa qarşı
tam peyvənd olunmuş turistlər üçün sərhədlərini açacaq.
Sfera.az bildirir ki, bu barədə AFP News
Agency şəxsi Twitter hesabında məlumat
verib.
Mayın 19-da Avropa Dərman Agentliyi (EMA) tərəfindən təsdiqlənmiş
preparatlarla peyvənd olunmuş turistlərə Avropa İttifaqına üzv ölkələrin ərazilərinə giriş icazəsi verilməsi
barədə razılıq əldə edilib. Avropa
Komissiyası razılaşmasının tövsiyə xarakteri daşıdığı qeyd olunur.
Mayın 25-də Avropa İttifaqına üzv ölkələrin dövlət və hökumət başçılarının təcili sammiti
keçiriləcək. Toplantıda müzakirə ediləcək əsas mövzularından birinin əcnəbi vətəndaşlar üçün Aİ ərazisinə giriş
qaydalarının razılaşdırılması olacağı gözlənilir. Həmçinin ittifaq üzvü olan 27 ölkədə tanınmış peyvənd
sertifikatının "yaşıl rəqəmsal keçidinin tətbiqi" məsələləri də
müzakirə ediləcək.
Selcan
Sfera.az