Avropa İttifaqı Rusiyaya qarşı yeni sanksiyalar hazırlayır – Narışkindən açıqlama
12:40 / 18.05.2021
2071
"Avropa İttifaqı rəhbərliyi Rusiyaya qarşı
yeni sanksiyalar hazırlayır . Söhbət Moskvanın xaricdə peyvənd əleyhinə hərəkat
alvolandırdığına dair böhtan
xarakterli ittihamlardan gedir”.
Sfera.az xəbər verir ki, bu barədə Rusiya
Xarici Kəşfiyyat Xidmətinin direktoru Sergey Narışkin xəbərdarlıq edib.
Xarici Kəşfiyyat Xidmətinin rəhbəri qeyd edib ki, Avropada vaksinasiya kampaniyasını əngəlləyən başlıca qüvvə avropalı məmurlarıdır. "Avropa Dərman Agentliyi, yüksək rütbəli Aİ məmurlarının qeyri-rəsmi təlimatlarını yerinə yetirərək, Rusiya peyvəndlərinin sertifikatlaşdırılmasına maneə törətməyə davam edir",- deyə Narışkin bildirib.
Narışkin vurğulayıb ki, Rusiya tərəfi Avropa xalqlarının koronavirusa qarşı peyvənd olunmasında, eləcə də öz effektivliyini sübut etmiş "Sputnik V” preparatının geniş tətbiqində maraqlıdır.
Selcan
Sfera.az