Avropa böhranla üz-üzə: Rusiyaya möhtac qalacaq
12:02 / 01.10.2021
868
Soyuq havaların yaxınlaşmasına baxmayaraq lazımı qədər qaz ehtiyatının yaradılmaması Avropada enerji böhrana yarada bilər. Bu vəziyyətdə böhranla üzləşməmək üçün avropalıların əsas ümid yeri Rusiyadır.
Sfera.az "Bloomberg” saytına istinadən xəbər verir ki, Avropa Birliyi Rusiyadan həm əlavə qaz, həm də əlavə daş kömür istəyə bilər.
Ekoloji amillərlə əlaqədar olaraq Avropa Birliyi ölkələri uzun illərdir ki, kömürdən imtina edirdi. Bu səbəbdən Avropada kömür istehlakı ilbəil azalırdı. Amma indi vəziyyət pisdir, çünki qaz anbarları qismən doldurulub və yaranan boşluğu sıxılmış qazla (LNG) da doldurmaq olmur.
Ekspertlər düşünür ki, bu vəziyyətdə yeganə yol Rusiyadan qaz idxalını artırmaqla yanaşı, daş kömürlə işləyən qazanxanaların da sayını artırmaqdır. Ancaq yetəri qədər daş kömürü tədarük etmək də problemə çevrilə bilər. Belə ki, əsas daş kömür istehsalçılarından olan Rusiya kömürün çox hissəsini Asiyadakı idxalçılara satır. Buna görə də Rusiyadan tədarük ediləcək kömür Avropanın tələbatının bir hissəsini ödəyə bilər.
ABŞ-ın da Avropaya kömür satmaq imkanı var. Ancaq qışda ABŞ-da daş kömür istehlakı artdığından amerikalıların Avropaya kifayət qədər kömür satması real görünmür.
Bütün çətin variantlar arasında Avropa üçün ən əlverişlisi Rusiya olacaq. Rusiya bu il Avropaya təxminən 48 milyon ton kömür ixrac etməyi planlaşdırır. Ancaq mövcud infrastruktur nəzərə alındığında il ərzində Rusiyadan Avropaya təxminən 133 milyon ton kömür daşımaq olardı. Bu, 2020-ci illə müqayisədə təxminən 40 milyon ton çoxdur.
Vasif
Sfera.az