Aslan İsmayılov DTX-dan yazdı
21:32 / 06.11.2020
5084
"Bu gün Böyük Vətən Müharibəsi başlayandan bu günə ayrı-ayrı dövlət strukturlarının yol verdiyi nöqsanları sistemləşdirmək istəyəndə çox maraqlı bir hal ilə rastlaşdım".
Sfera.az xəbər verir ki, bunu hüquqşünas Aslan İsmayılov Dövlət Təhlükəsizlik Xidməti haqda deyib.
Aslan İsmayılovun sözlərinə görə, yeganə dövlət strukturudur ki, şikayət yox idi.
"Əlbəttə ayrı-ayrı dövlət strukturlarının fəaliyyəti ilə bağlı birində az, birində çox əsaslı şikayətlər var və bunlar hamısı müharibədən sonrakı dövr araşdırılmalı və müvafiq tədbirlər görülməlidir.
Yeganə dövlət strukturu ki, hansından şikayət yox idi, Dövlət Təhlükəsizlik Xidməti oldu. Əksinə, çoxlu sayda razılıq, təşəkkür halları var. Bu, mənim üçün çox önəmli hal oldu, ona görə ki, dövlətimiz üçün çox vacib olan bu struktur uzun müddət çox yararsız, bəzən isə çox ziyanlı fəaliyyət göstərdi. Buna görə buradan bütün DTX əməkdaşlarına təşəkkür edirəm. Xüsusilə, xidmətin rəisi Əli Nağıyevə təşəkkür edirəm ki, əvvəllər Qarabağ müharibəsində savaşmış bir Vətən oğlu kimi qısa müddət ərzində bu strukturu belə qürurverici hala gətirdi.
Uca Allah Əsgər, Zabitlərimizi, Ali Baş Komandanı və gördükləri şərəfli işlərində onlara kömək olan hamını qorusun! Qarabağ Azərbaycandır"!
