Araik Arutyunyan Yerevanda döyüldü: “Ermənistanın işlərinə qarışma...”
15:43 / 26.02.2021
3024
"Araik Arutyunyanın Ermənistandakı anlaşılmaz fəallığı
ilə əlaqədar onu özünün və Artsaxın
problemləri ilə məşğul olmağa çağırıram”.
Bunu "Çiçəklənən Ermənistan” fraksiyasının millət vəkili
Naira Zohrabyan fevralın 26-da jurnalistlərlə görüşü zamanı bildirib.
"Araik, Ermənistanın daxili siyasi problemləri ilə
deyil, öz işlərinlə məşğul ol! Nikolla Artsaxı təslim etməyə razılaşdığın haqda
düşün. Sən də buna görə məsuliyyət daşıyırsan”,- deyə o, vurğulayıb.
Xatırladaq ki, Baş Qərargahın baş nazir Nikol
Paşinyanın və hazırkı iqtidarın təcili
istefasını tələb etməsi səbəbilə Ermənistanda daxili siyasi vəziyyətin gərginləşməsindən
dərhal sonra Araik Arutyunyan İrəvana gələrək fəal şəkildə görüşlər keçirib.
Bu arada isə Onik Qasparyanla Qarabağ separatçılarının
terrorçu lideri Araik Arutyunyan arasında baş tutan görüş də gərgin keçib.
Bu haqda məlumat yayan "168 Jam” qəzetinin məlumatına
görə, görüş zamanı Arutyunyan Qasparyana təzyiq etməyə cəhd edib. Buna imkan
verməyən Qasparyan Arutyunyana şillə vurub və görüş bununla da başa çatıb.
Tərcümə: Selcan
Sfera.az