“American Airlines”ın baş icraçı direktoru müsəlman işçilərinə görə oruc tutdu
11:25 / 06.05.2021
4034
ABŞ hava yolları şirkəti "American Airlines”ın baş icraçı direktoru (CEO) Douq Parker şirkətin müsəlman işçiləri ilə empatiya qurmaq məqsədilə oruc tutduğunu açıqlayıb.
Sfera.az xəbər verir ki, D. Parker "Linkedin” platformasında etdiyi paylaşımda ötən həftə şirkətin müsəlman işçilərinin dəvəti ilə bir gün oruc tutduğunu bildirib.
15 saat ərzində yeyib-içmədiyini qeyd edən D. Parker "Gün boyu ac və susuz qaldım. Bu, mənim şirkətin müsəlman əməkdaşlara və onların inanclarına böyük hörmət hissi duymağıma səbəb oldu", - deyə əlavə edib.
Parkerin paylaşımı 14 mindən çox insan tərəfindən bəyənilib və paylaşımda 550-dən çox insan fikrini bölüşüb.
Əzizə Zeynal
Sfera.az