Aktyor Operativ Qərargaha müraciət etdi: \"Bunları nəzərə alın!\"
12:14 / 21.08.2021
918
"Hər şey başadüşüləndir, xəstəlik var və yayılmasının qarşısını almaqda bəzən çətinliklər də olur. Amma yumşalmaya gedilən bəzi sahələr kimi, kinoteatr sahəsinə də nəzər yetirmək olar”.
Sfera.az bildirir ki, bunu aktyor Elcan Rəsulov deyib. O qeyd edib ki, bütün teatr aktyorları vaksin pasportu ilə işə gələ bilərlər:
"Elə kinoteatr işçiləri də həmçinin. Hələ teatr və kino salonuna vaksin pasportu olan tamaşaçılar da girə bilər. Baxmayaraq ki, pasportları var, lap bir sıradan bir də əyləşə bilərlər - stadiondakı kimi. Onsuz da bu "mall"a qədər girib restoranda oturan adam, mağazaya girən adam, kinoteatra da girməyə risk edəcək.
Beləliklə yavaş-yavaş bu sahədə çalışan adamlar da öz işinin başına dönəcəklər. Bu isə minlərlə işçi deməkdir. Bu sahə tək aktyorlardan və aktrisalardan ibarət deyil ki. Adını saymaqla bitməyən saysız iş növləri var”.
Aktyor Operativ Qərargaha da müraciət edib: "Xahiş edirəm ki, bu yazılanları nəzərə alıb, bu sahədə də hansısa yumşalmalara gedilməsi barədə tapşırıqlar verəsiniz”.
Türkan
Sfera.az