“Adım kimi əminəm, ölümlər artacaq” – Rəşad Mahmudovdan həkimlərə “bunu etməyin” çağırışı
Gündəm
11:41 / 03.09.2021
25423
Tibb üzrə elmlər doktoru, millət vəkili Rəşad
Mahmudov kolleqalarına səslənib.
Sfera.az
bildirir ki, deputat səhiyyəmizin hazırda çətin sınaqdan keçdiyini bildirib və xüsusilə evlərdə ilk günlərdən dexametazon,
metipred, prednol-L, antibiyotiklər, sistemlər yazan infeksionist, terapevt və
pulmunoloqlara çağırış edib:
"Belə bir vəziyyətdə
həkim olaraq heç birimizin susqun oturmağa haqqımız yoxdur. Bu qədər yüklənmə
qarşısında dövlət qurumlarından bu məsələdə nə isə etməsini gözləmək yanlışdır.
İnsanları vaxtında səhv yoldan döndərməsək, ölümlər daha da artacaq. Buna adım
kimi əminəm. İnsanları
evlərdə ilk gündən sistem və güclü dərman istifadəsinə inandıran siz, biz, bəlkə
də hamımız olmuşuq. Bu səhvi düzəltmək də hamımızın işidir”.
R.Mahmudov
qeyd edib ki, doğru tibbi taktika qumaqla, ən azından insanlara belə vəziyyətlərdə
nə etməmələri mövzusunda izah verməklə tərəddüd və qorxuları azalda bilərik:
"Nəticədə
dövlətimizin COVİD-19 mübarizəsində ortaya qoyduğu səylərə və əməyə həm də əməldə
dəstək olmuş olarıq. Əlbəttə, bu dalğa da digərləri kimi 2-3 həftəyə sönməyə
başlayacaq və sönəcək. Amma ən çətin günlərdə bir səhiyyəçi olaraq bütün çətinliklərə
baxmayaraq , hadisəyə münasibətimiz hər zaman xatırlanacaq”.
