ABŞ - Rusiya gərginliyi nefti bahalaşdırır - İqtisadçı
12:03 / 16.04.2021
1547
"ABŞ-Rusiya münasibətlərində yenidən gərginlik
müşahidə olunur. ABŞ prezidenti Co Bayden Birləşmiş Ştatların Rusiyaya qarşı
daha ciddi sanksiyalar tətbiq edə biləcəyini, lakin bunu etməməyi qərara
aldığını bəyan edib. Görünən odur ki, hələlik rəsmi Vaşinqton Moskva ilə əsas
körpüləri yandırmaq niyyətində deyil”.
Sfera.az-ın məlumatına görə, bunu Milli Məclisin
deputatı, iqtisadçı Vüqar Bayramlı deyib. O qeyd edib ki, bununla belə, son
açıqlamalar dünya bazarlarına da təsirsiz ötüşməyib:
"Artıq Brent markalı neftin 1 barelinin qiyməti
68 dollara yaxınlaşır. Son 10 gündə neftin dünya bazar qiyməti 8 faizdən çox
bahalaşıb. ABŞ-Rusiya münasibətlərində soyuqlaşma müşahidə edilən son 2 gündə
isə "qara qızıl” 5 faiz dəyər qazanıb.
Millət vəkili bildirib ki, hələlik qlobal valyuta bazarında "sakitlik” müşahidə olunsa da, regionun əsas dövlətlərinin milli valyutalarına dollar təzyiqi hələ də yumşalmayıb.
Günay