ABŞ-ın 23 ştatında maska taxmaq tələbi LƏĞV EDİLDİ
17:46 / 13.04.2021
1254
ABŞ-ın Texas ştatında maska taxmaq tələbinin ləğv
edilməsi qərarından sonra siyahıya daha 23 ştat əlavə edilib.
Sfera.az xəbər verir ki, maska taxmaq tələbi ləğv edilən ştatlar arasında Alabama, Alyaska, Arizona, Arkansas, Florida, Corciya, Aydaho, İndiana, Ayova, Kanzas, Missisipi, Missuri, Montana, Nebraska, Şimali Dakota, Oklahoma, Cənubi Karolina, Cənubi Dakota, Tennessi, Texas, Yuta, Viskonsin və Vayominq yer alıb.
Hazırda ABŞ-da rekord qırılaraq gündəlik peyvəndləmə sayı 5 milyona çatıb. Ölkə daxilində təxminən 75 milyon insan tam peyvəndlənib, 121 milyon insan isə peyvəndin birinci dozasını qəbul edib.
Ümumilikdə ABŞ əhalisinin 36%-i koronavirusa qarşı peyvənd edilib. Bir çox əyalətdə peyvəndlənmə tələbi 16 yaş və ondan yuxarıdır. ABŞ hökuməti ştatlara ümumilikdə 237,8 milyon doza peyvənd göndərib.
İnci
Sfera.az