“A-Kond” Koronavirusla Mübarizəyə Dəstək Fonduna ianə edib
15:10 / 30.03.2020
4524
Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” dövlət başçısı İlham Əliyevin 19 mart 2020-ci il tarixli fərmanı ilə yaradılmış Koronavirusla Mübarizəyə Dəstək Fonduna "A-Kond” MMC tərəfindən könüllü ianə edilib.
Bu barədə "Report”a "A-Kond” MMC-dən məlumat verilib.
Məlumata görə, şirkət, öz növbəsində, Koronavirusla Mübarizəyə Dəstək Fonduna (KMDF) 10 min manat məbləğində maliyyə vəsaiti köçürüb.
"A-Kond” MMC kollektivi koronavirus pandemiyasının vətəndaşlarımıza və iqtisadiyyatımıza təsirinin qarşısını almaq üçün dövlətimiz tərəfindən həyata keçirilən tədbirlərə dəstək göstərmək məramı ilə xalqımızla həmrəyliyini bəyan edir.