5 gün əvəzinə 3 gün tətil - Şagirdlərin istirahət hüququ niyə pozulur?

5 gün əvəzinə 3 gün tətil - Şagirdlərin istirahət hüququ niyə pozulur?

Xəbər verdiyimiz kimi bu gündən etibarən orta məktəblərdə 5 günlük payız tətili başlayır.

Sfera.az  bildirir ki, bu barədə fikirlərini bölüşən təhsil eksperti Kamran Əsədov şagirdlərin istirahət hüququnun pozulduğunu bildirib. Onun sözlərinə görə, ən azı 7 gün tətil olmalıdır:

"Orta məktəblərdə dərslər sentyabrın 15-də başlayıb iyunun 14-də başa çatır. Bu o deməkdir ki, tədris müddəti 34 həftədir. Həmən müddətdə şagirdlər iki dəfə tətil hüququna malikdirlər. Yəni 5 gün payız tətili (16-20 noyabr), 5 gün qış tətili (27-31 yanvar), bir də ibtidai siniflər üçün 5 günlük (1-5 may) əlavə yaz tətili. Bu gündən etibarən orta məktəblərdə 5 günlük payız tətili (16-20 noyabr) başlayır. Amma əslində isə bu tətil 5 gün yox, 3 gün olacaq. Çünki onun 2 günü (16,17 noyabr) şənbə və bazar günlərinə təsadüf edir. Belə çıxır ki, biz şagirdlərin istirahət hüququnu pozuruq. Yəni onlara 5 gün yox, 3 gün tətil etmək imkanı veririk. Şənbə və bazar günləri onsuz da onlar üçün tətildir.

Düzdür, bəzən bayram və əlamətdar günlərdə qeyri iş günləri olur və şagirdlər istirahət edir. Misal üçün 9 noyabr Bayraq günü şənbə gününə təsadüf edirdi və 1 -ci gün şagirdlər evdə qaldı. Belə hallar olur. Amma bütün hallarda şagirdlər 5 iş günü ərzində istirahət etməlidir. Bunun üçün tədris ilinin əvvəlində tədris proqramı təsdiq olunanda tətil günləri də ona müvafiq olaraq təsdiq olunmalıdır. Yəni bir neçə gün əvvələ və ya sonraya çəkməklə tam tətil imkanı vermək lazımdır".

Ekspert bu məsələdə Türkiyəni nümunə göstərib:

"Türkiyədə bu belədir. Türkiyənin Milli Təhsil Nazirliyi 18-22 noyabrı tətil günləri müəyyən edib ki, şagirdlər tam həftə ərzində istirahət etsin. Türkiyənin təhsil naziri Ziya Selçukun şagirdlərin tətili ilə bağlı bəyəndiyim bir fikri var. Ziya Səlcuq yazır: "Tətil təhsilə verilmiş fasilə deyil. Bu bir həftə uşağın idmanla, incəsənətlə, təbiətlə, mədəniyyətimizlə, dəyərlərimizlə tanış olması üçün bir fürsətdir".

Hətta Türkiyə Təhsil Nazirliyi şagirdlərin payız tətilini daha səmərəli istifadə etməsi və keçirməsi üçün 16 mövzu və istiqamət üzrə fəaliyyət planı hazırlayıb. Fəaliyyət proqramında şagirdlərin yararlana biləcəkləri səyahət, sağlamlıq, təbiət və ətraf mühit, məlumat və texnologiya, savadlılıq, bədii fəaliyyət, idman, araşdırma və müşahidə, oyun və tapmacaların həlli, sosial məsuliyyət, gündəlik həyati bacarıqlar, sənətkarlıq, elm, həmrəylik, karyera planlaşdırması və ailə günü kimi əsas məsələlər yer alıb. Bizdə isə heç kimin şagirdlərin tətili ilə bağlı bir fikri, ideyası yoxdur və heç kim maraqlanmır.

Şagirdlərin asudə vaxtının səmərəli təşkili onları zərərli vərdişlərdən də uzaq tutur. Asudə vaxtın səmərəli keçirilməsi vasitələri idmanla məşğul olmaq, gəzintiyə çıxmaq, kinoya getmək, tarixi yerləri ziyarət etməkdir. Amma qeyd olunan işlərin yerinə yetirilməsi üçün vəsait lazımdır. Çünki hamısı pullu xidmətlərə daxildir və şagirdlərə heç bir güzəşt yoxdur. Tətil həm də ona görə vacibdir ki, şagirdlərin 2 ay ərzində itirdikləri enerjini bərpa etmək, qış fəslində, zamana adaptasiya imkanını verir. Şagirdlərin daha yüksək əhval ruhiyyə, enerji ilə yenidən dərsə qayıtması üçün azı 7 gün tətil etməsi vacibdir”. (yeni sabah)

OXŞAR XƏBƏRLƏR

Rayona getmək istəyənlərin diqqətinə - Baş nazir qərar verdi

 Baş Nazir Əli Əsədov xüsusi karantin rejiminin sərtləşdirilməsi ilə bağlı əlavə tədbirlər barədə qərar imzalayıb. Sfera.az xəbər verir ki, qərara əs...

Parklanmaya görə cərimələr qayıdır

Bakıda parklanmanı pozanlar kameralar vasitəsilə yenidən cərimələnəcək.   Sfera.az xəbər verir ki, bu barədə BNA rəsmisi Mais Ağayev məlumat verib. &n...

Azərbaycanda boş deputat yerlərinin sayı 5-ə çatıb

 Hazırda VI çağırış Milli Məclisin 120 üzvü var.   Sfera.az  Report-a istinadən xəbər verir ki, bu ilin fevralın 9-da keçirilən növbədənkəna...

Bakıda istifadəyə yararlı çimərliklər açıqlandı - SİYAHI

 Xəzər Kompleks Ekoloji Monitorinq İdarəsinin və Respublika Gigiyena və Epidemiologiya Mərkəzinin əməkdaşları tərəfindən çimərliklərdə monitorinqlər keçiri...

“Nar” eşitmə məhdudiyyətli insanları tibbi-gigiyenik vasitələrlə təmin edib - FOTO

  Koronavirus (COVID-19) infeksiyasının geniş yayılmasının qarşısını almaq məqsədilə aparılan mübarizə tədbirləri çərçivəsində "Nar” fiziki məhdudiyyətli ...

Əlillik təyinatında yenilik

  Nazir müavini: "Hər qüsura əlillik demək olmaz" Sfera.az "Real TV"yə istinadən xəbər verir ki, əlilliyin təyinatı ilə bağlı nazirlik tərəfindən ye...