No Image
No Image

“24 saat ərzində 105 kilometr ərazini azad etdik” - DSX-nin polkovniki

“24 saat ərzində 105 kilometr ərazini azad etdik” - DSX-nin polkovniki
Cənab Ali Baş Komandan, Azərbaycan Respublikasının Silahlı Qüvvələrinin hər bir hərbi qulluqçusu kimi, biz sərhədçilər də Sizin hücum əmrinizi gözləyirdik. Düşmənin növbəti təxribatlarına cavab olaraq, Sizin Müzəffər Ali Baş Komandanlığınız ilə Dövlət Sərhəd Xidmətinin qarşısına qoyduğunuz tapşırıqlar uğurlu icra olunub.

Sfera.az xəbər verir ki, bunu Prezident İlham Əliyevin hərbi qulluqçularla görüşündə Dövlət Sərhəd Xidmətinin polkovniki Babək Ələkbərov söyləyib.

O bildirib ki, Azərbaycan-İran dövlət sərhədinin 132 kilometrlik hissəsinin, Füzuli, Cəbrayıl, Zəngilan, Qubalı rayonlarının, eləcə də Hadrut qəsəbəsinin, Şuşa şəhərinin azad olunmasında Dövlət Sərhəd Xidmətinin hərbi qulluqçuları şücaət və qəhrəmanlıq göstəriblər. Ermənistanla dövlət sərhədi boyu olan ərazilərimizdə və yüksəkliklərdə Azərbaycanın üçrəngli bayrağı, Zəfər bayrağı dalğalanmaqdadır.

Babək Ələkbərov deyib: "İkinci Qarabağ müharibəsi dövründə ən sürətli əməliyyat kimi yadda qalmış hücumda 24 saat ərzində 105 kilometr ərazini işğaldan azad edərək düşmənə ağır zərbələr endirmişik. Dövlət sərhədində Bartaz, Şükürataz, Qızıldaş kimi mühüm yüksəkliklər işğaldan azad edilmişdir. Dövlət Sərhəd Xidmətinin "Harop”, "Quzğun” və "Hermes” kimi pilotsuz uçuş aparatlarının peşəkar tətbiqi nəticəsində düşmənin 290 texnikası məhv edilib. Özümü çox xoşbəxt hesab edirəm ki, qədim Xudafərin körpüsünün və Zəngilan şəhərinin işğaldan azad olunmasını cənab Ali Baş Komandan Sizə məruzə etmək şərəfi mənə nəsib olmuşdur”.

Onları yüksək dövlət mükafatı ilə təltif etdiyinə görə minnətdarlığını bildirən Babək Ələkbərov Ali Baş Komandan İlham Əliyevi əmin edib ki, Azərbaycan sərhədçiləri bütün sərhədlərimizin mühafizəyə götürülməsi kimi çətin və şərəfli tapşırığın öhdəsindən bundan sonra da əzmkarlıqla gələcəklər.

"Qürurluyam ki, mən qalib Ali Baş Komandanın, qalib dövlətin, qalib xalqın zabitiyəm”, - deyə polkovnik vurğulayıb.
Sehliyali
Turan Bank

OXŞAR XƏBƏRLƏR

Prezident Ramazan bayramı ilə bağlı paylaşım etdi - FOTO

Prezident İlham Əliyev Ramazan bayramı münasibətilə rəsmi "Facebook” səhifəsində paylaşım edib. Sfera.az xəbər verir ki, dövlət başçısı Azərbaycan xalqını...

Arəstə Baxışova beynəlxalq medal ilə təltif olundu - FOTO

Dünyanın 18 ölkəsinin 25 görkəmli tibb bacısı silahlı konflikt və ya təbii fəlakət qurbanlarına müstəsna cəsarət və fədakarlıqları münasibətilə verilən beynəlxa...

Azərbaycanda Ramazan bayramı qeyd olunur

Bu gün Azərbaycanda Ramazan bayramıdır. Sfera.az xəbər verir ki, Qafqaz Müsəlmanları İdarəsinin (QMİ) fətvasına əsasən, Eydül Fitr - Ramazan bayramı Şəvva...

Ölkədəki prosesləri jurnalistlərdən eşidirəm - Əliyev

Sizi həmişə dəstəkləmişəm. Sizə təşəkkür edirəm ki, belə çox aktual mövzuları qabardırsınız. Bir çox hallarda ölkədə gedən prosesləri mən sizdən eşidirəm, sizdə...

Prezident Şuşa Yaradıcılıq Mərkəzinin yerləşəcəyi bina ilə tanış oldu

Azərbaycan Respublikasının Prezidenti İlham Əliyev, Birinci vitse-prezident Mehriban Əliyeva, qızları Leyla Əliyeva və Arzu Əliyeva mayın 12-də Şuşa Yaradıcılıq...

Şuşada inşa olunacaq yeni məscid belə olacaq - FOTO

Xəbər verdiyimiz kimi, Şuşada yeni məscidin təməli qoyulub. Azərbaycan Respublikasının Prezidenti İlham Əliyev, birinci xanım Mehriban Əliyeva, qızları Leyla Əl...