“2023-cü il seçkilərində AKP növbəti dəfə hakimiyyətdə qalacaq” - Politoloq
10:56 / 06.04.2021
791
"Türkiyənin regional müstəvidə təsirinin
artması, xüsusilə Cənubi Qafqaz və Mərkəzi Asiyada strateji cəhətdən möhkəmlənməsi
Rusiyanı ciddi narahat edir”.
Sfera.az xəbər verir ki, bunu politoloq Məhəmməd
Əsədullazadə deyib. O bildirib ki,
2023-cü ildən başlayaraq Türkiyənin beynəlxalq münasibətlər sisteminə təsir
edən bir ölkə olacağı gözlənilir:
"Ədalət və İnkişaf Partiyasının (AKP) hazırkı
siyasi kursu buna hesablanıb və Böyük Britaniya ilə birgə yeni siyasi nizamda
yer alacaq. 2016-ci ildəki hərbi çevriliş məhz Türkiyənin bu hədəflərinin
qarşısının alınmasına hesablanmışdı. Bu hərbi çevriliş cəhdinin uğursuz olması,
heç də anti-Türkiyə qüvvələrinin geri çəkilməsinə gətirib çıxarmadı. Hazırda
Türkiyə hakimiyyətinin devrilməsində Qərb də, Rusiya da maraqlı tərəfdir.
2016-ci il çevrilişində Rusiya və Qərb ayrı-ayrı cəbhədə olsa da, hazırda
Moskva da Türkiyə hakimiyyətinin daxili böhrana yuvarlanmasında maraqlı tərəfdir.
Rusiya artıq Türkiyənin Şərqə baxışını
geosiyasi maraqlarına təhlükə hesab edir. Məhz 103 təqaüddə olan admiralın və
sabiq millət vəkillərinin Montre anlaşması və konstitusiya ilə bağlı bəyanat verməsi, birbaşa hakimiyyəti təhdid
etmək və narazı bir elektorat formalşadırmaqdır.
Ötən əsrdə boğazlarla bağlı Montre anlaşaması
və konustitusiya Türkiyənin hədəflərinə doğru addımlanmasında bir əngəldir. Bu
da Qərb ölkələrini və Rusiyanı ciddi narahat edir. Tükriyə Montre anlaşmasını ləğv
edəcəksə, boğazlarda tam üstünlük əlində olacaq. Həmçinin konstitusiyanın dəyişməsi,
Türkiyəni gücləndirəcək. Ona görə də Türkiyə hakimiyyəti hədəf alınıb və məqsəd
növbəti hərbi çevrilişə cəhddir”.
Politoloq qeyd edib ki, bu günkü hakimiyyət və
başda prezident Rəcəp Tayyip Ərdoğan olmaqla heç bir hakimiyyət Türkiyəni bu qədər
inkişaf etdirə bilməzdi:
2023-cü il seçkilərində AKP-nin növbəti dəfə hakimiyyətdə qalması mümkündür. Türkiyə ordusunda və siyasi sistemində növbəti təmizləmə əməliyyatı keçirilib, xainlər zərərləşdiriləcək. Bu da prezident Ərdoğanın hakimiyyətini gücləndirəcək. 2023-dən sonra Türkiyə Montre anlaşmasını və hazırkı konstitusiyanı ləğv edəcək”.
Günay Rəsulqızı
