Bu gün 14 mindən çox abituriyent qəbul imtahanı verəcək

Bu gün 14 mindən çox abituriyent qəbul imtahanı verəcək
Dövlət İmtahan Mərkəzi (DİM) bu gün I və IV ixtisas qrupları üzrə ali təhsil müəssisələrinə qəbul imtahanları keçirəcək.

Sfera.az xəbər verir ki, imtahanlar 22 şəhər və rayonda - Bakı, Gəncə, Ağstafa, Şəki, Bərdə, Göyçay, Şirvan, Salyan, Lənkəran, Xaçmaz, Naxçıvan, Şəmkir, Sumqayıt, Abşeron, Mingəçevir, Zaqatala, Ağcabədi, Kürdəmir, Sabirabad, Cəlilabad, Masallı, Qubada təşkil olunacaq.

İmtahanlarda 14 min 426 nəfər abituriyentin iştirakı nəzərdə tutulur. Onlardan 9 421 nəfər I ixtisas qrupu üzrə sənəd verən abituriyentlərdir.

İmtahanlar saat 10:00-da başlanacaq. Saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmır.

Kütləviliyin və təmas hallarının qarşısının alınması məqsədilə imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Abituriyentlər imtahana aşağıdakı sənədləri gətirməlidirlər:

- İmtahana buraxılış vərəqəsi;

- Sağlamlıq haqqında bəyannamə (buraxılış vərəqi ilə birlikdə çap edilir və imzalanır. İmtahana buraxılış vərəqəsi abituriyentin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır);

- Şəxsiyyəti təsdiq edən sənədin əsli:

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahan keçirilən şəhər və rayonlarda ümumilikdə 151 imtahan binası, 2 544 imtahan zalı ayrılıb. İmtahanların idarə olunmasına 151 ümumi imtahan rəhbəri, 422 imtahan rəhbəri, 3 309 nəzarətçi–müəllim, 308 buraxılış rejimi əməkdaşı, 151 bina nümayəndəsi cəlb edilib.

Ehtiyat tədbirləri çərçivəsində imtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq. İmtahana bədən hərarəti 37°C-dən aşağı olan şəxslər buraxılır.

Sehliyali
Turan Bank

OXŞAR XƏBƏRLƏR

Tələbələr yataqxanalardan istifadə edə bilirlərmi? - ARAŞDIRMA

Sentyabr ayının 29-dan etibarən ali təhsil müəssisələrində tədris prosesinə start verilməsi ilə əlaqədar universitetlərin nəzdindəki tələbə evlərində (tələbə ya...

“Uşaqların məktəbə adaptasiyası çətin olacaq” - Onlayn təhsildən ənənəvi təhsilə keçidin fəsadları

Sentyabrın 22-də ibtidai siniflərdə, sentyabrın 29-da isə orta, yuxarı siniflərdə və ali, orta ixtisas müəssisələrində ənənəvi tədrisə başlanacaq. Uzun...

Azərbaycanda təhsilin elektronlaşdırılması hansı səviyyədədir? - AÇIQLAMA

Təhsilin elektronlaşdırılmasına görə bir sıra ölkələrdən geri qalırıq. Sfera.az xəbər verir ki, bunu təhsil məsələləri üzrə ekspert Elçin Əfəndi deyib. ...

Azərbaycan təhsili pandemiya dövründə - Çatışan və çatışmayan tərəflər...

Artıq bir ildən çoxdur ki, pandemiya həyatımızın ayrılmaz hissəsinə çevrilib. Bu ağır dönəm bir sıra sahələrə, o cümlədən təhsilə də təsirsiz ötüşməyib.  ...

Şagirdlər məktəbə gedəndə maska taxmalıdırlar? - RƏSMİ CAVAB

"Uşaqların maska taxması valideynlərin öhdəsinə buraxılır". Sfera.az xəbər verir ki, bunu təhsil nazirinin müşaviri Rüstəm Ağayev yeni tədris ilinin təşki...

Pandemiya təhsilə hansı problemləri yaradıb? - Açıqlama

"Pandemiya ali məktəblər qarşısında üç problem yaradıb”. Sfera.az bildirir ki, bunu deputat Etibar Əliyev deyib. Onun sözlərinə görə, ilk problem mövcu...