Azərbaycanda nə qədər işsiz var?
15:42 / 23.06.2021
1842
2021-ci ildə məşğul əhalinin sayında artım, işsizlərin sayında azalma dinamikası müşahidə edilir. İlin ilk 5 ayının məlumatına əsasən iqtisadi fəal əhalinin sayı 5,269 milyon nəfər olub, onlardan 4,908 milyonu məşğul əhalidir.
Sfera.az rəsmi məlumatlara istinadən bildirir ki, iqtisadi fəal əhalinin 361 min nəfəri və ya 6,85 faizi işsizdir.
Xatırladaq ki, 2020-ci ilin sonunda məşğul əhalinin sayının azalması, işsizlərin sayının artması müşahidə edilmişdi. 2019-cu ildə 4,938 milyon nəfər olan məşğul əhalinin sayı 2020-ci ildə 4,877 milyon nəfərə düşmüşdü. Nəticədə, 2019-cu ildə 251,6 min olan işsizlərin sayı ötən il 375,9 minə yüksəldi. İl ərzində işsizlərin sayı 124,3 min və ya 49,4 faiz artdı. Artımla əlaqədar ölkəmizdə işsizliyin səviyyəsi 4,8 faizdən 7,2 faizə yüksəldi.
2021-ci ilin iyunun 1-də işsizlik səviyyəsi 6,85 faizə düşsə də hələ də, 2019-cu ildəki səviyyədən xeyli yüksəkdir.
Vasif
Sfera.az