Sfera.az bildirir ki, İsveçdən olan 19 yaşlı gəncin ölümünə səbəb evinin qarşısında silahlı hücuma məruz qalması olub.  Stokholmda baş verən hadisə ilə bağlı cinayət işi açılıb.

Ən az iki şübhəlinin olduğunu açıqlayan Stokholm polis idarəsinin mətbuat katibi Ola Osterlinq qeyd edib ki, hazırda hücumun səbəbi və kimlərin etdiyi müəyyən edilir.

Qeyd edək ki, repçi ötən il "Varbi” adlı dəstə tərəfindən qaçırılmış və onun sərbəst byraxılması qarşılığında müəyyən miqdarda pul tələb edilmişdi. Elinar yaxın günlərdə bununla bağlı bir davada şahid qismində iştirak edəcəkdi. 

Elinar 2019-cu ildə Spotify-da İsveçin ən çox dinlənilən sənət adamı olub, Qrammis və digər müxtəlif mükafatlara layiq görülüb.