Zəlzələ təkrarlanacaq, ya yox?- Yetirmişlidən açıqlama
12:21 / 06.02.2019
2825
"Bu barədə dəqiq söz demək mümkün deyil”
Sfera.az-a açqılamasında bu sözləri ötən gecə saatlarında Azərbaycanın bir sıra ərazilərində baş verən zəlzələ və onun yenidən təkrarlanıb-təkrarlanmayacağı barədə sorğuya cavab verərkən Azərbaycan Milli Elmlər Akademiyası Respublika Seysmoloji Xidmət Mərkəzinin direktoru Qurban Yetirmişli deyib:
"Zəlzələnin avtoşokları hələlik davam edir. Ancaq son iki aftoşok hiss olunmayıb. Bununla belə, axırıncı iki avtoşokun maqnitudası 3 baldan çox olub".
Q. Yetirmişli hazırda zəlzələnin baş verdiyi ərazidə olduğunu bildirdi:
"Ona görə də prosesin gedişi barədə mətbuata ancaq günün ikinci yarısında daha geniş məlumat verəcəyik. İndidən zəlzələnin yenidən baş verib-verməyəcəyi barədə bir söz demək mümkün deyil. Zəlzələdən sonra kiçik təkanların baş verməsi normaldır. Amma indidən demək olmaz ki, zəlzələ yenidən baş verəcək, yoxsa yox. Bu barədə dəqiq bir söz demək mümkün deyil".
Qeyd edək ki, AMEA nəzdində Respublika Seysmoloji Xidmət Mərkəzinin məlumatına əsasən, fevralın 5-də saat 23:31 radələrində Pirqulu stansiyasından 11 km cənub-qərbdə, İsmayıllı rayonu ərazisində, 8 km dərinlikdə zəlzələ qeydə alınıb. Zəlzələ episentrdə 6 bal, ətraf rayonlarda 3-5-bala qədər hiss olunub.
ELÇİN
