Ukrayna Prezidenti Vladimir Zelenskinin hakimiyyət başına keçəndən az sonra tez-tez yorğun görünməsi həmişə sual doğurub.

Sfera.az qafqazinfo-ya istinadən xəbər verir ki, Prezident ofisinin rəhbəri Andrey Boqdan məsələyə aydınlıq gətirərək bildirib ki, Ukrayna lideri neqativ informasiyalardan yorulub. 

"Mənfiliklərdən yaranmış yorğunluq... Çünki KİV-dən istifadə edərək bizə qarşı çox mənfi fikirlər səsləndirilir. O da bunu çox ağrılı şəkildə qəbul edir", - Boqdan bildirib.

Eyni zamanda, o, məlumatlar təhrif olunmuş şəkildə yayıldığına görə Zelenskiyə Feysbuk və digər sosial şəbəkələri oxumamağı tövsiyə etdiyini söyləyib.

Onun sözlərinə görə, cəmiyyət Ukrayna hakimiyyətinin müəyyən hərəkətlərini səhv qəbul edir.