Britaniya hökumətinin təcili hallar komitəsi bundan öncə Sergey Skripal və onun 33 yaşlı qızının zəhərlənməsi ilə bağlı insidentlə əlaqədar çərşənbə günü yeni məlumatlar təqdim edib:

 

"Bu insident əsəb-sinir sisteminə təsir göstərən kimyəvi maddədən istifadə edilməklə sui-qəsd cəhdi kimi təhqiq edilir”, -polisin antiterror şöbəsinin komissarının müavini Mark Roli bildirib. O deyib ki, Skripal və onun qızının vəziyyəti ağır olaraq qalır.

Rouli hansı kimyəvi maddədən istifadə edildiyi ilə bağlı məlumat verməyib.

Skripal və onun qızı Yuliya keçən Britaniyanın cənubunda yerləşən Salsbury şəhərindəki parkda huşlarını itirmiş vəziyyətdə tapılıblar. İnsidentin ardınca Britaniya qanunvericiləri ölkədə son illər Rusiya kəşfiyyat agentlikləri ilə əlaqəsi mümkün olan şübhəli ölüm hallarının təcili təhqiq edilməsi haqda çağırışlar edib.

Hətta bildirilir ki, Solsberi şəhərində kimyəvi silahın tətbiqi barədə əmri çox böyük ehtimalla Rusiya prezidenti Vladimir Putin verib. Rəsmi Moskva isə keçmiş kəşfiyyatçıya qarşı sinir sistemini zədələyən maddədən istifadə olunması ilə bağlı izahat verməkdən imtina etdiyinə görə Britaniya, 23 Rusiya diplomatını ölkədən xaric edəcək. Bu barədə Britaniyanın Baş naziri Tereza May bəyan edib.

Tanınmış agentlər, diplomatlar, sərkərdələr, imperatorları öldürmək üçün tarixdə ilk belə sui-qəsd hadisəsi eramızdan 4500 il bundan öncə baş verib. Bəzən xilas yolu olaraq da diplomatlar, sərkərdələr zəhər içərək həyatlarına qəsd ediblər. 

Daha yaxın keçmişdə baş verən bu cür hadisələrə nəzər salaq:

2017-ci ildə Keçmiş Yuqoslaviya üzrə Beynəlxalq tribunalın mühakimə etdiyi bosniyalı xorvatların generalı Slobodan Pralyak məhkəmə zalında intihar cəhdindən sonra ölüb.

Belə ki, məhkəmə zalında elə həmin gün Pralyak barədə 4 il əvvəl çıxarılmış hökmü təsdiqləyib – 2013-cü ildə general 20 il həbs cəzasına məhkum olunmuşdu. O 1990-cı illərdə baş verən müharibə zamanı insanlıq əleyhinə cinayətlərdə təqsirkar bilinib. General iclasda ayağa qalxaraq hərbi cani olmadığını, hökmü rədd etdiyini deyib və naməlum maye ilə dolu şüşəni başına çəkib. Müttəhimin vəkili şüşədəkinin zəhər olduğunu bildirib.

2015-ci ildə ABŞ-ın diplomatik pasportları daşıyan iki rəsmisinə qarşı BMT tərəfindən Rusiyada təşkil olunan konfransların birində sui-qəsd təşkil olunub, onları zəhərləməyə çalışıblar. Bu hadisənin Rusiyanın ABŞ diplomatlarına qarşı daha geniş, artan qısnama kampaniyasının bir hissəsi olduğunu deyirlər.

Rusiya barlarında əcnəbilərin zəhərlənməsi insidentləri qeyri-adi hal sayılmır, çox vaxt da bunu qarətlə bağlayırlar. ABŞ Dövlət Departamentinin Rusiyada barlarda içməyin təhlükəsi barədə xəbərdarlığı da var. Amma ABŞ rəsmilərinin içkisinə həmin maddə ayrı-ayrılıqda qatılıb və qarət cəhdinin heç bir əlaməti ortaya çıxmayıb.

2010-cu ildə isə Makedoniya paytaxtı Skopyedə 8 türk diplomatı zəhərlənib. Belə ki, diplomatlar restoranda yeməkdən sonra zəhərlənmə simptomları ilə hospitala götürülüblər. Türk diplomatlar Makedoniya Xarici İşlər Nazirliyinin dəvəti ilə bu ölkədə səfərdədir. Onlar diplomatiya akademiyasında mühazirələr oxuyublar.    

1945-ci ildə III Reyxin əsas hərbi və siyasi xadimlərindən biri Henrix Himlerin, 1954-cü ildə britaniyalı riyaziyyatçı Alan Turing, 1959-cu ildə ukraynalı politoloq Stepan Banderaya qarşı da sui-qəsd təşkil olunub. 

Zəhərlənmə və ya özünü zəhərləmə halları keçmişdə də dəbdə olub. Bu barədə ən məşhur hadisələr isə Sokrat və Kleopatranın adı ilə bağlıdır. 

E.ə 399-cu ildə edam cəzasından qurtulmaq üçün Sokrat özü zəhər içərək həyatına qəsd edib. E.ə 321-ci ildə Demosfen, e.ə 29-cu ildə Kleopatraya qarşı bu cür sui-qəsd təşkil olunub.