Zamin kreditin qaytarılmasında, kredit götürən qədər məsuldur.

Azərbaycanda bu ilin 7 ayı ərzində banklar tərəfindən verilən kreditlərin həcmi azalsa da, kredit götürənlərin sayi 2 mln 100 mindən, 2 mln 400 minə qədər artıb. Lakin xüsusi diqqət çəkən məsələ odur ki, ölkədə zaminlərin sayı çoxalıb, 1 milyon 160 minə çatıb. Bu isə o deməkdir ki, bu qədər insan real təhlükə qarşısındadır.

Ramid Həsənov kimi, minlərlə insan belə problemlə üzləşir. Kredit şərtlərinin ağırlaşdırılması nəticəsində zaminlərin sayında artım nəzərə alınsa problem daha da aktuallaşır. Kredit götürən insan ödəmədikdə çətinlik çəkəndə mülkü məcəllə məsuliyyəti zaminlərə yükləyir.

Yəni zamin kreditin qaytarılmasında, kredit götürən qədər məsuldur. Lakin problemin digər tərəfi də var.

İqtisadçının sözlərinə görə, kredit ödənilməzsə hətta kredit götürənə də zaminə ölkəni tərk etmək qadağası tədbiq edilə bilər. Kredit alan şəxs gizləndiyi halda, vəsaitin qaytarılması ilə yanaşı, prosesin məhkəmə xərcləri də zamin tərəfindən ödənilməlidir.  //xezerxeber