Bildiyiniz kimi, Daxili İşlər Nazirliyinin Baş Dövlət Yol Polisi İdarəsi tərəfindən respublika ərazisində "Təmiz hava” aylığı keçirilir. Bununla yanaşı stasionar postlarda, eyni zamanda rayon Dövlət Yol Polisi şöbə və bölmələrində maarifləndirici tədbirlər davam etdirilir. Tədbirin keçirilməsində əsas məqsəd nəqliyyat vasitələrinin istismarı nəticəsində atmosferə atılan qazlarını insanların həyatına ciddi təhlükə törətməsinin və havanın çirkləndirilməsinin qarşısının alınmasıdır.

   

 BDYPİ-nin stasionar postlarında saxlanılan sürücülərə bildirilir ki, nəqliyyat vasitələrinin yanacaq sisteminə nəzarət etməklə, saz vəziyyətə saxlanılmalı və xaric olunan qazlarının tərkibi ekoloji təhlükəsiz normalara uyğun olunmalıdır.

      Xüsusi cihaz vasitəsilə yoxlanılması zamanı ekoloji təhlükəsiz normalarına cavab verməyən nəqliyyat vasitələri yol polisi əməkdaşları tərəfindən aşkar olunur, sürücüləri inzibati məsuliyyətə cəlb edilir.

      Qeyd edək ki, "Təmiz hava” aylığı ölkəmizin  bütün bölgələrində də davam edir.

Tədbirin keçirilməsində əsas məqsəd nəqliyyat vasitələrinin istismarı nəticəsində atmosferə atılan qazlarını insanların həyatına ciddi təhlükə törətməsinin və havanın çirkləndirilməsinin qarşısının alınmasıdır. Bunu nəzərə alaraq Baş Dövlət Yol Polisi İdarəsi bir daha nəqliyyat vasitəsi sahiblərinin və sürücülərin diqqətinə çatdırır ki, istifadələrində olan nəqliyyat vasitələrinin yanacaq sisteminə nəzarət etməklə saz vəziyyətə gətirsinlər, unutmasınlar ki, avtomobillərindən xaric olunan qazlarının tərkibi ekoloji təhlükəsiz normalara uyğun olunmalıdır.

     Əks halda ekoloji təhlükəsiz normalarına cavab verməyən nəqliyyat vasitələri yol polisi əməkdaşları tərəfindən aşkar edilərək, sürücüləri inzibati məsuliyyətə cəlb olunacaqlar.