Havaların isinməsi ilə dondurma mövsümünə start verilib. Bir çox dondurma firmaları məhsullarının daha çox alınması üçün onların reklamına başlayıb.

 

Maraqlıdır, bu dondurmalar insan səhhəti üçün nə qədər faydalı, nə qədər zərərlidir. 

Sənaye üsulu ilə istehsal edilən bu cür dondurmalar evdə hazırlanan dondurmalardan fərqli olaraq tərkibinə müxtəlif qatqı maddələri əlavə olunur. Təbii ki, bu əlavələr insan səhhəti üçün ziyanlıdır. Etiketli dondurmaların istifadə müddətinin daha çox olması, məhsulun daha çox saxlanılması üçün tərkibinə bir çox kimyəvi maddələr əlavə olunur. 

Həkimlər tövsiyə edir ki, dondurma yeyərkən qırtlağınızda yanma hissi yarandıqda, onu yeməyi dərhal dayandırmaq və bol miqdarda su içmək laızmdır. Çünki boğazda hiss edilən yanğı hissi o deməkdir ki, həmin dondurmanın tərkibindəki şəkər zərərlidir. Həkimlər bu cür dondurmaların uşaqlar üçün ziyanını xüsusi vurğulayaraq qeyd ediblər ki, azyaşlılara yalnız evdə hazırlanan dondurma vermək olar. Gündəlik olaraq mağazalardan aldığımız dondurmaların tərkibi isə belədir:

Süd yağı – 10-16 faiz

Yağsız süd qatı kütləsi – 9-12 faiz

Əlavə qatqılar – 14-19 faiz

Stabilizatorlar və emulsifatorlar – 0.2-0.6 faiz

Su – 55-64 faiz

Müxtəlif boya maddələri

 

Bunların bir çoxu insan bədəni üçün yaddır və bu cür maddələrin davamlı olaraq qəbulu xərçəng başda olmaqla, bir çox təhlükəli xəstəliyə gətirib çıxarır.