İqtisadiyyata, sosial-rifaha və məşqulluğa pandemiyanın təsirlərini azaltmaq məqsədilə mühtərəm Prezidentin tapşırığı əsasında hazırlanmış Tədbirlər Planının əsas hədəflərindən biri iş yerlərinin və işçilərin əmək haqlarının qorunması, əhalinin məşğulluq imkanlarının artırılması ilə bağlı olmuşdur. Vəziyyətin gözlənilməz və çox çətin olduğuna baxmayaraq, muzdlu işçilərin iş yerləri qorunmuş, zərər çəkən sahibkarlara maliyyə dəstəyi göstərilmiş, verqi ödəmələrində və bank kreditlərinin alınmasında güzəştlər edilmişdir. Əlbəttə, fəaliyyəti şəffaf və düzgün olan sahibkarlara nisbətən qeyri-şəffaf fəaliyyət göstərənlər dövlət dəstəyinin daha böyük hissəsindən məhrum olurlar.

Vətəndaşlarla bağlı Prezidentin yeritdiyi humanist siyasətin nəticəsində əvvəllər qeyri-formal sektorda, «kölgə» iqtisadiyyatında çalışanların sosial müdafiəsi də nəzərə alındı.

Bütün bunlarla yanaşı aztəminatlı təbəqələrin nümayəndələrinə karantin dövründə birdəfəlik vəsaitin, və ünvanlı sosial yardımların verilməsi, yeni əmək müqavilələrinin bağlanması təmin edildi.

Bu dövr ərzində pensiya, müavinət və başqa təqaüdlər davamlı şəkildə və vaxtında ödənildi. Çox təəssüf, qeyri-formal sektorda çalışan işçilər göstərilən üdənişləri ala bilmirlər. Bunun təqsiri yalnız onların özlərindədir. Ona görə iqtisadi fəaliyyətdə şəffaflığı qorumaqda dövlətin məqsədi vətəndaşın hüququnu, dövlət-vətəndaş həmrəliyini müdafiə etməkdir. Bu həmrəliyin möhkəmlənməsində hər bir

vətəndaş, xüsusilə biznes dairələri məsuliyyətini dərk etməlidir. Pandemiya hadisəsi göstərdi ki, «kölqə» iqtisadiyyatı və qeyri-şəffaflıq həm ölkə iqtisadiyyatına, həm də onun iştirakçılarına, dövlət-vətəndaş birliyinə ziyan vurur.

Qoy Covid-19 hadisəsi insanlar üçün ibrət dərsi olsun.