Deputatlığa namizəd Xaliq Hüseynovun seçicilərlə görüşləri davam edir. Namizəd olduğu 18 saylı Nərimanov-Nizami Seçki Dairəsinin ərazisi hər 2 rayonun müəyyən ərazisini  əhatə etdiyi üçün hər iki ərazi üzrə görüşlər keçirilməkdədir.

 

Dünən Nərimanov rayonu Ə.Əliyev küçəsində 2 müxtəlif  mənzildə görüş keçirildi. İlk öncə Keşlə bazarının arxasındakı məhəllədə qonaq olan namizəd, vətəndaşlara daha yaxın olmaq, daha isti ünsiyyət üçün yolunu birbaşa Keşlə bazarından saldı. Bazar ticarətçiləri ilə söhbətləşən Xaliq doktor, məhəlləyə də elə bazarın içindən keçib getdi.

 

Görüşdə məhəllənin aztəminatlı, şəhid ailələri, problemi olan vətəndaşlar iştirak etdilər. Hər bir sakinin problemini diqqətlə dinləyən Xaliq Hüseynov, platformasında bütün  bu  sahələrə diqqət ayırdığını bir daha xatırlatdı.

 

Daha sonra digər bir məhəllədə - el arasında "Çermet" məhəlləsi kimi tanınan qəsəbədə qonaq olan namizədin başına yenə xeyli sakin toplaşdı.O seçicilərinə söz verdi ki, seçildiyi təqdirdə qonaq olduğu hər bir  mənzili, hər bir sakini mütəmadi ziyarət edəcək, qeydiyyata alınan hər bir problemi diqqət mərkəzində saxlayacaqdır. Seçicilər namizədlə ilk tanışlıqdan məmnun qaldıqlarını bildirib, bir çox problemlərini, üzləşdikləri cətinlikləri namizədin diqqətinə çatdırıb,  Xaliq doktora uğurlar arzuladılar.Qərargahın hər gün yenilənən təbliğat planı öz ahəngi ilə davam edir.

 

Sizin inamınız sizin səsinizlə  sizin QƏLƏBƏYƏ doğru yola davam. Bizi izləyin.