Vladimir Jirinovskini nə əsəbləşdirmişdi? – Politoloqlar şərh edir
10:47 / 02.08.2021
1042
"Rusiya Dövlət Dumasının sədr müavini, Liberal
Demokrat Partiyasının sədri Vladimir Jirinoviskinin ölkəmizə qarşı təhdidləri və
çevirliş ssenarilərini dilə gətirməsini heç də
onun dəlisov şəxsi fikri kimi qiymətləndirmək olmaz”.
Bunu Sfera.az-a açıqlamasında politoloq Məhəmməd
Əsədullazadə deyib. O , Jirinovskinin Rusiya Federasiyasının rəsmi şəxsi
olduğunu xatırladıb.
Politoloqun sözlərinə görə, onun Azərbaycan
haqda dedikləri son vaxtlar Rusiya-Azərbaycan arasında davam edən gərginliyə əsaslanır: "Bu gərginlik Rusiya tərəfindən qaynaqlanır. Azərbaycanın
Türkiyə ilə Şuşa Bəyannaməsi imzalaması, ardınca Türkiyə və Pakistanla Bakı Bəyannaməsi,
həmçinin Azərbaycanın Gürcüstanda NATO təlimlərində iştirakı Kremli özündən
çıxarıb. İkincisi, bir müddət əvvəl KTMT-nin Düşənbədə
keçirilən konfransında müşahidəçilik institutunun yaradılması və Azərbaycanın
da burada yer alacagı Rusiya rəsmiləri tərəfindən açıqlandı. Görünür, Moskva
Bakıdan müsbət mesaj gözləyirdi.
Görünür, Jirinovski Kreml kluarlarında Azərbaycan
əleyhinə formalaşan siyasəti dilə gətirir. Rusiyada hesab edirdilər ki, Azərbaycan Qarabağ
müharibəsindən sonra, Avrasiya İttifaqına və Kollektiv Təhlükəsizlik Müqaviləsinə
üzv olacaq. Amma Azərbaycanın seçimi
Türkiyə ilə birgə kordinasiyalı fəaliyyət oldu. Təbii ki, prezident İlham
Əliyevin bu strategiyası ölkəmizin müstəqilliyinin gücləndirilməsinə gətirib
çıxarır. Rusiyanın bu mövqeyi ölkəmizə təhdidir və Moskva hələ də qonşularına
qarşı aqressiv siyasəti həyata keçirir. Rusiya anlayır ki, Qarabağda sülhməramlı
fəaliyyəti Azərbaycan cəmiyyətində haqlı narazılıq doğurub. Odur ki, Rusiya
şantaj yoluna keçib”.
Bakı Politoloqlar Klubunun rəhbəri Zaur Məmmədov
isə saytımıza açıqlamasında deyib ki, hazırda Moskvanın istəyi bəllidir:
"Azərbaycan və Ermənistan sərhəd problemlərində
Moskva Bakının qışa qədər atacağı addımlara səssiz qalacaq . Lakin, öz növbəsində,
Qarabağın dağlıq hissəsində ermənilərin kompakt yaşadığı rus sülhməramlılarının
nəzarəti altındakı ərazilər məsələsi Bakı və İrəvan arasında müzakirə predmeti
olmayacaq. Rusiyadakı bəzi qüvvələr Xankəndini və ətraf rayonları siyasi
statusu dondurulmuş, məhz sülhməramlıların
idarə edəcəyi nöqtə sayır. Aydın məsələdir ki, bu ərazilərlə bağlı gələcəkdə Azərbaycana
qarşı aparılacaq pressinq məhz Rusiya və Fransa tərəfindən həyata keçiriləcək.
Günay Rəsulqızı