Vətəni kim sevir? – Londonda barda olan, yoxsa hərbi xidmətdə olan
16:53 / 26.02.2019
1922
Hərbi xidmət kişilik məktəbidir. Bu xidməti hər kəs keçməlidir. Prezidentin də oğlu, nazirin də, sadə vətəndaşın da. Vətənə xidmət nümünəsini isə Ali Baş Komandan, Prezident İlham Əliyevin oğlu Heydər Əliyev sübut etdi.
Ali təhsilini başa vuraraq hərbi xidmətə yollandı. Heydər Əliyev adını daşıdığı Ulu öndər Heydər Əliyevə layiqli bir nəvə, adını daşıyan layiqli bir övlad olduğunu sübut etdi. O vətənə layiqli əsgər olmaqla hər kəsə, xidmətə yollanan bütün əsgərlərə nümunə oldu. Heydər Əliyev əldə silah vətənə xidmət etməklə çoxlarının edə bilmədiyini etdi.
Daima müxalifət mətbuatında vətənə sədaqətdən dəm vuranlar, nədənsə hərbi xidmətdə yayınırlar. Son zamanlar tez-tez əsl vətəndaşlıqdan danışan Əli Kərimli nədənsə öz övladının niyə hərbi xidmətə getməməsinə cavab verə bilmir.
Aydındır ki, dünyanın ən gözəl barlarını, kazinolarını gəzən Türkel Kərimli vətənə xidmət borcunu verməyəcək. Onun uzaq Londonda patriotluq dərsi isə sadəcə içdiyi viskinin təsirindən yaranan saxta pafosdur. Vətəni sevən gənc öz ordusuna, xalqına xidmət etməlidir. Bu nümunəni isə əvvəlcədə qeyd etdiyimiz kimi Heydər Əliyev göstərib. Vətənə sevgi imandandır deyirlər. Sevginin imanı isə torpağa şərafətdəndir. Torpağını sevməyən Türkel Kərimlinin isə xidmət etməsi absurddur...
Elə vətəni necə sevmək olar sualına videoblogger Ata Abdulklayev Əli Kərimliyə ünvanlayıb. Görünür Əli Kərimli bu suala cavab vermək istəməyib. Videodan ayadın görünür ki, suala cavab vermək əvəzinə Əli Kərimli və ətrafındakılar qara-qışqırıq salıblar. Bu sadəcə Əli Kərimlinin öz övladının niyə vətənə xidmət etməməsinin cavabıdır. Qara-qışqırıq salmaq sualdan yayınmaq. Vətənə isə əsl sevgisini izhar edən lazımdır.
Elçin