Naxçıvanın Ali Məclisinin sədri Vasif Talıbovun oğlu Seymur Talıbov xanımına jest edib.

Sfera.az xəbər verir ki, Talıbov müğənni Zamiqin ifasında ilk dəfə toyunda səsləndirilən "Bu gün bizim günümüzdür” adlı mahnını xanımı üçün bəstələyib.

Bu barədə müğənni Zamiq məlumat verib. O, mahnını paylaşaraq bunları qeyd edib:

"Əziz dostlar, bu yaxınlarda mənə çox əziz olan, hörmət etdiyim bir insanın özəl gününə mahnı hazırladıq. Çoxsaylı zəng və mesajlarınızı nəzərə alıb həmin mahnının bütöv versiyasını təqdim edirəm. Mahnının sözləri Seymur Talıbova, musiqisi isə Hakan Erola məxsusdur”.