Cəmİyyət

Vahid Əhmədov prokuror oğlundan danışdı

Vahid Əhmədov prokuror oğlundan danışdı
"Hesab edirəm ki, yeni təyinatlar ölkədə gedən ciddi islahatlarla əlaqədardır”.

Bu fikri musavat.com-a açıqlamasında deputat Vahid Əhmədov deyib. O, bildirib ki, istər kadr, istərsə də iqtisadi islahatlar kifayət qədər ciddi addımlardır:

"Hesab edirəm ki, bu islahatlar get-gedə dərinləşdiriləcək. Fikir versəniz görərsiz ki, artıq Azərbaycanda sosial islahatlara daha çox diqqət edilir. Bu, çox vacib bir haldır. Yəni son illərdə ölkə prezidentinin apardığı siyasətdə, sosial-siyasət ön plana keçib. Biz görürük ki, əhalinin həyat səviyyəsi yaxşılaşdırılır, maaşları artırılır. Bu proses artıq başlayıb və bir müddət də davam edəcək. Baş verənlər həm də onun bariz nümunəsidir ki, Azərbaycanda digər bir iqtisadi islahata start verilib. Yəni yeni bir iqtisadi islahat mexanizmi həyata keçirilir. Lakin bu, getdikcə dərinləşməlidir. Çünki islahatlar bir sahəni əhatə edə bilməz. Məsələn, məhkəmə-hüquq sistemində olan özbaşınalıqlar, oradakı rüşvət və korrupsiya hamıya məlumdur. Ona görə də bu sahədə də ciddi islahatlara ehtiyac var. Artıq bununla bağlı fərman da imzalanıb. Biz, məhkəmə-hüquq sistemindəki islahatlardan çox şeylər gözləyirik. Proses başlayıb və bunun davamlı olması üçün düşünürəm ki, iradə var”.

V.Əhmədov oğlunun Qaradağ rayonuna prokuror təyin olunmasından da danışıb:

"Oğlum uzun müddətdir ki, prokurorluq sistemində işləyib. O, müstəntiqdən başlayıb, idarə rəisinin müavini pilləsinə qədər yüksəlib. Prokuror təyin olunandan sonra da, əvvəl də ona tövsiyəm olub ki, haqqın, ədalətin yanında olsun və Azərbaycanın müstəqilliyinin qorunub-saxlanmasında fəal işlər görsün. Həmçinin tövsiyyəm olub ki, insanların şikayətlərini normal qəbul eləyib, Azərbaycan xalqına qulluq etsin. Vətəndaşların da onun hansısa qanunsuz əməllərindən şikayət etməsi mümkün deyil. Elə bir şey ola bilməz. Çünki mən elə bir tərbiyə verməmişəm və mənim keçdiyim həyat yolu onun üçün örnək olmalıdır”.
 
Sfera.az

XƏBƏR LENTİ

«    Noyabr 2019    »
B.eÇ.aÇC.aC.Ş.B
 123
45678910
11121314151617
18192021222324
252627282930